ໂດຍການເປັນປະທານຂອງ ທ່ານ ນ. ສິລິກິດ ບຸບຜາ ຄະນະບໍລິຫານງານພັກ, ຮອງປະທານຄະນະບໍລິຫານງານ ສສຍລ, ມີຄະນະສະຫະພັນແມ່ຍິງສໍານັກ, ຄະນະສະຫະພັນກໍາມະບານ, ຄະນະໜ່ວຍຊາວໜຸ່ມປະຊາຊົນປະຕິວັດລາວ, ຄະນະໜ່ວຍຮາກຖານກຳມະບານ, ແມ່ຍິງ ແລະຊາວໜຸ່ມປະຊາຊົນປະຕິວັດລາວຈາກຫ້ອງການ, ກົມ, ສູນ, ຫ້ອງການກອງເລຂາ ຄຊກມດ ແລະ ລັດວະສາຫະກິດຝ້າຍລາວ ເຂົ້າຮ່ວມ.
ກອງປະຊຸມໄດ້ຮັບຟັງການເຜີຍແຜ່ເອກະສານແນະນຳວຽກງານສະຫະພັນກຳມະບານ ໂດຍສະເພາະເນື້ອໃນຂໍ້ແຂ່ງ5 ເປັນເຈົ້າ, ວຽກງານ 3 ດີ ຕິດພັນກັບວຽກງານ 3 ສ້າງ ແລະ ມະຕິກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VIII ແລະ ເນື້ອໃນຂໍ້ແຂ່ງຂັນ 4 ບຸກ ຂອງຊາວໜຸ່ມ.
