ປະທານ ສສຍລ ແລະ ທ່ານ ເຈົ້າແຂວງ ແຂວງຫົວພັນ ວາງກະຕ່າດອກໄມ້

May 7, 2025

ໃນຕອນເຊົ້າວັນທີ 07 ພຶດສະພາ 2025, ສະຫາຍ ນາງ ອາລີ ວົງໜໍ່ບຸນທຳ ກຳມະການສູນກາງພັກ ປະທານຄະນະບໍລິຫານງານ ສສຍລ ແລະ ສະຫາຍ ປອ ຄຳແພງ ໄຊສົມແພງ ກຳມະການສູນກາງພັກ, ເລຂາພັກແຂວງ, ເຈົ້າແຂວງ ຫົວພັນ ພ້ອມດ້ວຍຄະນະບໍລິຫານງານສະຫະພັນແມ່ຍິງແຂວງ ແລະ ຜູ້ແທນກອງປະຊຸມໃຫຍ່ ຜູ້ແທນແມ່ຍິງແຂວງຫົວພັນ ຄັ້ງທີ X ຕາງໜ້າໃຫ້ສະມາຊິກສະຫະພັນແມ່ຍິງ ແລະ ແມ່ຍິງບັນດາເຜົ່າທົ່ວແຂວງຫົວພັນ ໄດ້ນໍາເອົາກະຕ່າດອກໄມ້ໄປວາງຢູ່ຕໍ່ໜ້າຮູບຫຼ່ໍຂອງ ປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກ ຂອງປວງຊົນລາວທັງຊາດ ເພື່ອສະແດງຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ, ລະນຶກເຖິງຄຸນງາມຄວາມດີ ແລະ ຜົນງານອັນຍິ່ງໃຫຍ່ ຂອງປະທານ ໄກສອນ ພົມວິຫານ ທີ່ໄດ້ນໍາພາການປະຕິວັດຊາດ ນໍາພາພະລະກິດປົກປັກຮັກສາຍາດເອົາເອກະລາດແຫ່ງຊາດ ແລະ ພັດທະນາປະເທດຊາດ ເພື່ອຜົນປະໂຫຍດທົ່ວປວງຊົນລາວບັນດາເຜົ່າ ກໍຄື ແຂວງ ຫົວພັນ ແລະ ເພື່ອອວຍພອນໃຫ້ການດໍາເນີນກອງປະຊຸມໃຫຍ່ຜູ້ແທນແມ່ຍິງແຂວງຫົວພັນໃນຄັ້ງນີ້ ດໍາເນີນໄປດ້ວຍຜົນສໍາເລັດອັນຈົບງາມ.