ຕອນເຊົ້າວັນທີ 01 ມິຖຸນາ 2022 ທ່ານ ນ. ລາວັນ ສຸດທິສານ ຮອງປະທານຄະນະບໍລິຫານງານ ສສຍລ ເຂົ້າຮ່ວມພິທີສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ ພາຍໃຕ້ຄຳຂວັນ “ສ້າງອະນາຄົດທີ່ດີກ່ວາ ເພື່ອເດັກທຸກຄົນ” ໂດຍການເປັນປະທານຮ່ວມຂອງທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີແຫ່ງ ສປປ ລາວ ທັງເປັນປະທານຄະນະກຳມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ(ຄຊກມດ) ແລະ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ, ມີການນໍາພັກ-ລັດ, ອົງການຈັດຕັ້ງມະຫາຊົນ, ຜູ້ຮ່ວມງານພັດທະນາ, ໄວໜຸ່ມ, ໄວເດັກ ແລະ ມວນຊົນ ເຂົ້າຮ່ວມຢ່າງພ້ອມພຽງ. ພາຍໃນງານຜູ້ເຂົ້າຮ່ວມໄດ້ຮັບຊົມການສະແດງກິດຈະກຳຕ່າງໆໂດຍຕົວແທນຂອງເດັກ ແລະ ຊາວໜຸ່ມເພື່ອປູກຈິດສຳນຶກໃນຫົວຂໍ້ຕ່າງໆ. ນອກຈາກນີ້ຄະນະນຳໄດ້ຮ່ວມປູກຕົ້ນໄມ້ ແລະທ່ຽວຊົມການວາງສະແດງພາຍໃນແຕ່ລະບູດນຳຕື່ມອີກ. ພິທີຄັ້ງນີ້ຈັດໂດຍອົງການປົກຄອງນະຄອນຫຼວງວຽງຈັນຮ່ວມກັບຄະນະກຳມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ຈັດຂຶ້ນທີ່ບ້ານໜອງຄຳແສນ ເມືອງຫາດຊາຍຟອງ ນະຄອນຫຼວງວຽງຈັນ.
