ເຂົ້າຮ່ວມໂດຍ ທ່ານ ນາງ ລາວັນ ສຸດທີສານ ຮອງປະທານຄະນະບໍລິຫານງານ ສສຍລ, ມີຕາງໜ້າ ສສຍລ, ອົງການຈັດຕັ້ງສາກົນ ແລະ ແຂກຖຶກເຊີນເຂົ້າຮ່ວມ.

ເຂົ້າຮ່ວມໂດຍ ທ່ານ ນາງ ລາວັນ ສຸດທີສານ ຮອງປະທານຄະນະບໍລິຫານງານ ສສຍລ, ມີຕາງໜ້າ ສສຍລ, ອົງການຈັດຕັ້ງສາກົນ ແລະ ແຂກຖຶກເຊີນເຂົ້າຮ່ວມ. ນໍາພາສົນທະນາໂດຍ ທ່ານ ປອ ນາງ ນິນປະເສີດ ໄຊຍະພອນສີ ຫົວໜ້າກົມພັດທະນາແມ່ຍິງລາວ ສສຍລ, ເວທີສົນທະນາໄດ້ມີຫຼາຍຫົວຂໍ້ທີ່ສໍາຄັນຄື:

1. ທ່ານ ນາງ ພັກກາວັນ ພິດສະໄໝ ຫົວໜ້າຫ້ອງການກອງທຶນປົກປັກຮັກສາສິ່ງແວດລ້ອມ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ໄດ້ນໍາສະເໜີຫົວຂໍ້: ການສ້າງຄວາມເຂັ້ມແຂງໃຫ້ແມ່ຍິງໃນການຄຸ້ມຄອງສິ່ງແວດລ້ອມຢູ່ ສປປ ລາວ.

2. ທ່ານ ກິນດາວົງ ຫຼວງຣາຊ ຮອງຫົວໜ້າກົມສັງຄົມສົງເຄາະ ກະຊວງແຮງງານ ແລະ ສະຫວັດດີການສັງຄົມ ນໍາສະເໜີໃນຫົວຂໍ້: ຍຸດທະສາດການຕ້ານໄພພິບັດ.

3. ທ່ານ ປອ ໂພທອງ ສິລິພົງ ທີ່ປຶກສາດ້ານບົດບາດຍິງ-ຊາຍ ທະນາຄານພັດທະນາອາຊີ ນໍາສະເໜີໃນຫົວຂໍ້: ຜົນການຄົ້ນຄວ້າບົດບາດຍິງ-ຊາຍກັບການປ່ຽນແປງດິນຟ້າອາກາດ.

4. ທ່ານ ຕ້ອມ ໄຊສົງຄາມ ຮັກສາການ ຫົວໜ້າພະແນກສິ່ງແວດລ້ອມ ອົງການ ສປຊ ເພື່ອການພັດທະນາ (UNDP) ນໍາສະເໜີໃນຫົວຂໍ້: ຄວາມສໍາຄັນຂອງການສົ່ງເສີມບົດບາດຍິງ-ຊາຍໃນການແກ້ໄຂບັນຫາການປ່ຽນແປງດິນຟ້າອາກາດ.

5. ທ່ານ ວັນເພັງ ສິງຫາລາດ ຜູ້ປະສານງານແຜນງານຄຸ້ມຄອງການຈັດການນໍ້າ ອົງການ OXFAM ນໍາສະເໜີໃນຫົວຂໍ້: ແມ່ຍິງຕົວແບບໃນຊຸມຊົນລຽບຕາມແຄມແມ່ນໍ້າ.

ພາຍຫຼັງນໍາສະເໜີແຕ່ລະຫົວຂໍ້ ໄດ້ມີການແລກປ່ຽນສົນທະນາເຊິ່ງກັນ ແລະ ກັນ ເພື່ອຄວາມເຂົ້າໃຈຫຼາຍຂຶ້ນໃຫ້ແກ່ຜູ້ເຂົ້າຮ່ວມ.