ວັນທີ 29 ກັນຍາ 2023, ສູນກາງສະຫະພັນແມ່ຍິງລາວ ຈັດກອງປະຊຸມທົ່ວອົງຄະນະພັກສູນກາງສະຫະພັນແມ່ຍິງລາວ ປະຈຳໄຕມາດ III ປີ 2023 ໂດຍການເປັນປະທານຂອງ ສະຫາຍ ນາງ ອິນລາວັນ ແກ້ວບຸນພັນ ກຳມະການສູນກາງພັກ ເລຂາຄະນະບໍລິຫານງານພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ ມີ ຄະນະບໍລິຫານງານພັກ, ຄະນະປະຈຳພັກ, ຄະນະໜ່ວຍພັກຫ້ອງກາຮນ, ກົມ, ສູນ, ສະມາຊິກພັກ ພ້ອມດ້ວຍພະນັກງານ-ລັດຖະກອນ ສູນກາງສະຫະພັນແມ່ຍິງລາວ ເຂົ້າຮ່ວມ. ໃນກອງປະຊຸມ ຜູ້ເຂົ້າຮ່ວມໄດ້ຜ່ານບົດສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມຄະນະພັກ ກາງສະໄໝ ສະໄໝທີ IV ຂອງຄະນະບໍລິຫານງານພັກ ສສຍລ; ຜ່ານບົດໂອ້ລົມ ຂອງສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ ຜູ້ປະຈຳການ ຄະນະເລຂາທິການສູນກາງພັກ ຮອງປະທານປະເທດແຫ່ງ ສປປ ລາວ ຕໍ່ກອງປະຊຸມເປີດກວ້າງ; ຄຳສັ່ງສະບັບເລກທີ 411/ຄລສພ, ລົງວັນ 08 ສິງຫາ 2023 ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ; ຄຳແນະນຳສະບັບເລກທີ 211/ຄຈສພ, ລົງວັນທີ 16 ສິງຫາ 2023 ກ່ຽວກັບການຈັດຕັ້ງປະຕິບັດຄຳສັ່ງ ຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ. ພ້ອມທັງ ໄດ້ຮັບຟັງການເຜີຍແຜ່ເຊື່ອມຊຶມເອກະສານສຳຄັນຂອງສູນກາງພັກຕື່ມອີກ
.
