ໃນໂອກາດທີ່ລົງເຄື່ອນໄຫວວຽກງານຢູ່ແຂວງໄຊຍະບູລີ,ຕອນບ່າຍ ວັນທີ 07 ມິຖຸນາ 2022, ທ່ານນາງ ສີລິກິດ ບຸບຜາ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ ພ້ອມດ້ວຍຄະນະ ໄດ້ລົງຢ້ຽມຢາມ ແລະ ຊຸກຍູ້ກູ່ມຫັດຖະກຳຕໍ່າຫູກ ບ້ານແສງຈະເລີນ ເມືອງພຽງ ແຂວງໄຊຍະບູລີ ຕ້ອນຮັບໂດຍທ່ານ ນາງຄຳຜິວ ພັນທະວົງ ປະທານ ສຍ ແຂວງ, ພ້ອມດ້ວຍ ສຍ ເມືອງພຽງ ແລະ ສຍ ບ້ານແສງຈະເລີນ.
ກຸ່ມຫັດຖະກຳຕໍ່າຫູກບ້ານດັ່ງກ່າວສ້າງຕັ້ງຂຶ້ນປີ 2000 ເບື້ອງຕົ້ນມີພຽງ 43 ກີ່ ມາຮອດປັດຈຸບັນມີ 354 ກີ່ ກິດຈະກຳດັ່ງກ່າວເພື່ອຊຸກຍູ້ສົ່ງເສີມແມ່ຍິງພາຍໃນບ້ານ ແລະ ບ້ານອ້ອມຂ້າງ ໃຫ້ມີອາຊີບເສີມສ້າງລາຍຮັບໃຫ້ແກ່ຕົນເອງ ແລະ ຄອບຄົວ ເຮັດໃຫ້ຄອບຄົວມີຢູ່ມີກິນຫຼຸດພົ້ນຈາກຄວາມທຸກຍາກກ້າວໄປສູ່ຄວາມຮັ່ງມີຜາສຸກ, ປະກອບສ່ວນສ້າງສາພັດທະນາປະເທດຊາດ ຕາມແນວທາງທີ່ພັກ-ລັດ ວາງໄວ້.
