ໄດ້ເຂົ້າຮ່ວມງານວັນເດັກສາກົນ ປະຈໍາປີ 2022 ທີ່ ເຮືອນຮຽນຮູ້ຮ່ວມສຳລັບເດັກ ຊຶ່ງໃນງານມີກິດຈະກຳ ທ່ຽວຊົມເຮືອນຮົ່ມ ແລະ ແບ່ງປັນປະສົບການທີ່ໄດ້ຮັບຈາກໂຄງການ “ໄວໜຸ່ມກັບກະສິກໍາສະອາດ”, ມອບລາງວັນໃຫ້ແກ່ຜູ້ຊະນະການປະກວດຄໍາຂວັນສັ້ນ ກ່ຽວກັບວັນເດັກສາກົນ ປີ 2022 ພາຍໃຕ້ແນວຄວາມຄິດ: “ພວກເຮົາຮຽນຮູ້ ເຮົາຮັກພັດທະນາຕົນເອງ”, ກິດຈະກໍາສ້າງສັນຈິນຕະນາການ ເລື່ອງເລົ່າຈາກຮູບ ກັບສານຝັນຮັກອ່ານ ສໍາລັບເດັກອາຍຸລະຫວ່າງ 5-15 ປີ ຊຶ່ງເປັນການລະບາຍສີຕາມໃຈ ແລະ ແຕ່ງນິທານ ແລະ ເລົ່າສົດໆ ໃນງານ. ພ້ອມນີ້ ກໍມີກິດຈະກຳສົ່ງເສີມການອ່ານສຳລັບເດັກ (ພາສາລາວ, ອັງກິດ, ຍີ່ປຸ່ນ ແລະ ພາສາຈີນ), ກິດຈະກຳ Art & Crafts ເນື່ອງຈາກ ເດືອນ 6 ເປັນຊ່ວງລະດູຝົນ ເປັນລະດູບານຂອງ “ດອກອະຈິໄຊ” ຂອງປະເທດຍີ່ປຸ່ນ. ດັ່ງນັ້ນ, ຄູສອນພາສາຍີ່ປຸ່ນໄດ້ນໍາພາເດັກນ້ອຍເຮັດໂມງປະດັບປະດາດ້ວຍດອກໄມ້ດັ່ງກ່າວ ແລ້ວໃຫ້ແຕ່ລະຄົນເອົາກັບບ້ານພ້ອມ, ກິດຈະກໍາ ຈັບສະຫຼາກລາງວັນ ເພື່ອຮັບເຄື່ອງສົ່ງເສີມການຮຽນຮູ້ພາສາຈີນ ແລະ ພາສາອັງກິດ, ແນະນໍາການປັ້ນແປ້ງໂດ, ສອນຫຼິ້ນອູຄູເລເລ (Ukulele) ເບື້ອງຕົ້ນ, ກິດຈະກຳສະແດງການເຕັ້ນ ແລະ ຮ້ອງເພັງ ຂອງນັກຮຽນເຮືອນຮຽນຮູ້ຮ່ວມສຳລັບເດັກ. ກິດຈະກຳເຮັດວຸ້ນດ້ວຍພິມດອກໄມ້, ກິດຈະກຳເຮັດພິດຊ່າ, ການເຮັດຕໍາໝາກຫຸ່ງ ສຳລັບເດັກໄດ້ຮຽນຮູ້ ນັບແຕ່ຂັ້ນຕອນການປອກ, ການຟັກ, ການຊອຍ, ການປຸງ ແລະ ການຕໍາໝາກຫຸ່ງ. ກິດຈະກຳແນະນໍາ ການປູກ ແລະ ການປອກ ໝາກມັງກອນແດງ, ການຮັບບໍລິຈາກປຶ້ມໃໝ່ ແລະ ເກົ່າ ສໍາລັບຈັດເຂົ້າຫ້ອງສະໝຸດຂອງເຮືອນຮຽນຮູ້ຮ່ວມສໍາລັບເດັກ, ແລກປ່ຽນຕົ້ນໄມ້ດອກ, ໄມ້ປະດັບ, ໄມ້ມົງຄົນຕ່າງໆກັບ ເຮືອນຮຽນຮູ້ຮ່ວມສຳລັບເດັກ ແລະ ກິນເຂົ້າສາມັກຄີ. ໂອກາດນີ້ ທ່ານ ນ. ອິນລາວັນ ກໍໄດ້ມອບເງິນຊຸກຍູ້ຈຳນວນໜຶ່ງແກ່ເຮືອນຮຽນຮູ້ຮ່ວມສຳລັບເດັກ ເພື່ອນໍາໃຊ້ໃນວຽກງານພັດທະນາການສຶກສາສຳລັບເດັກ.
