ໃນຕອນເຊົ້າວັນທີ 02 ມິຖຸນາ ທ່ານ ນ. ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສູນກາງສະຫະພັນແມ່ຍິງລາວ ໄດ້ເຂົ້າພົບການນຳແຂວງເຊກອງ ທ່ານ ເຫຼັກໄຫຼ ສີວິໄລ ເລຂາພັກແຂວງ ເຈົ້າແຂວງ ແຂວງເຊກອງ ເພື່ອສະເໜີຈຸດປະສົງການລົງມາເຄື່ອນໄຫວເຮັດວຽກຢູ່ແຂວງເຊກອງ ຄັ້ງນີ້. ໂອກາດດຽວກັນນີ້ ທ່ານປະທານຄະນະບໍລິຫານງານສູນກາງສະຫະພັນແມ່ຍິງລາວ ຍັງໄດ້ປູກຕົ້ນໄມ້ຮ່ວມກັບການນຳແຂວງ ເນື່ອງໃນໂອກາດວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ.
