ໂອກາດມາເຄື່ອນໄຫວວຽກງານຢູ່ແຂວງໄຊສົມບູນ ທ່ານຮອງປະທານຄະນະບໍລິຫານງານ ສສຍລ ພ້ອມຄະນະ ໄດ້ໄປຢ້ຽມຊົມ ຫ້ອງຂາຍຜະລິດຕະພັນກະສິກຳ-ຫັດຖະກຳຂອງສະຫະພັນແມ່ຍິງແຂວງ ໄຊສົມບູນ. ຫຼັງຈາກນັ້ນ ຄະນະຈາກ ສສຍລ ແລະ ສຍ ແຂວງໄຊສົມບູນ ໄດ້ໄປຢ້ຽມຢາມ ແລະ ຊຸກຍູ້ຄອບຄົວຕົວແບບການປູກໝາກຊູ ຂອງທ່ານ ຈົ່ງເຢີ ວື ທີ່ບ້ານຜາສະຫງົບ ເມືອງອານຸວົງ ແລະ ໄດ້ໄປທ່ຽວຊົມ ວັງນໍ້າຂຽວ ແຫຼ່ງທ່ອງທ່ຽວທີ່ສວຍງາມອີກແຫ່ງໜຶ່ງຂອງແຂວງໄຊສົມບູນຕື່ມອີກ.