ໂອກາດທີ່ລົງເຄື່ອນໄຫວວຽກງານຢູ່ແຂວງຜົ້ງສາລີ ທ່ານ ນ. ລາວັນ ສຸດທິສານ ຮອງປະທານຄະນະບໍລິຫານງານ ສສຍລ ພ້ອມດ້ວຍຄະນະ ໄດ້ເຂົ້າພົບ ແລະ ເຮັດວຽກຮ່ວມກັບ ທ່ານ ບົວທອງ ອຸແສງຄຳ ຮອງເລຂາພັກແຂວງ ຜູ້ຊີ້ນຳວຽກພັກ-ພະນັກງານ

ໂອກາດທີ່ລົງເຄື່ອນໄຫວວຽກງານຢູ່ແຂວງຜົ້ງສາລີ ທ່ານ ນ. ລາວັນ ສຸດທິສານ ຮອງປະທານຄະນະບໍລິຫານງານ ສສຍລ ພ້ອມດ້ວຍຄະນະ ໄດ້ເຂົ້າພົບ ແລະ ເຮັດວຽກຮ່ວມກັບ ທ່ານ ບົວທອງ ອຸແສງຄຳ ຮອງເລຂາພັກແຂວງ ຜູ້ຊີ້ນຳວຽກພັກ-ພະນັກງານ, ຕາງໜ້າຈາກສະພາປະຊາຊົນແຂວງ, ຕາງໜ້າຈາກຂະແໜງຈັດຕັ້ງແຂວງ ແລະ ຄະນະບໍລິຫານງານສະຫະພັນແມ່ຍິງແຂວງຜົ້ງສາລີ. ການເຂົ້າພົບໃນຄັ້ງນີ້ເພື່ອຮັບການລາຍງານການຜັນຂະຫຍາຍມະຕິກອງປະຊຸມປຶກສາຫາລືວຽກງານສ້າງພະນັກງານນຳພາ-ຄຸ້ມຄອງເພດຍິງຄັ້ງທີ III ທັງເປັນການກະກຽມບຸກຄະລາກອນເພດຍິງໃຫ້ແກ່ກອງປະຊຸມໃຫຍ່ 3 ຂັ້ນ ຂອງພັກ ແລະ ຂອງສະຫະພັນແມ່ຍິງໃນຕໍ່ໜ້າໃຫ້ບັນລຸເປົ້າໝາຍທີ່ວາງໄວ້, ປະເມີນການຈັດຕັ້ງປະຕິບັດວາລະແຫ່ງຊາດ ແລະ ສ້າງການຫັນປ່ຽນຢ່າງເເຂງແຮງທຸກຂອດວຽກງານພະນັກງານ.