ເພື່ອສ້າງຂະບວນການຂ່ຳນັບຮັບຕ້ອນກອງປະຊຸມສະຫຼຸບຖອດຖອນບົດຮຽນ ໃນການຈັດຕັ້ງປະຕິບັດຂໍ້ແຂ່ງຂັນ 3 ດີ ປະຈຳປີ 2022 ແລະ ທິດທາງແຜນການປະຈຳປີ 2023, ຫ້ອງການສະຫະພັນແມ່ຍິງກອງທັບ ພ້ອມທີມງານນັກຂ່າວກອງທັບ ແລະ ທີມງານນັກຂ່າວກົມຂ່າວສານແມ່ຍິງລາວ ສສຍລ ໄດ້ລົງເກັບກຳຜົນງານການສ້າງເສດຖະກິດຄອບຄົວ ຂອງ ສະຫາຍ ພັນໂທ ນາງ ຄໍາພວງ ສອນທະສັກ ສັງກັດຢູ່ ໂຮງຮຽນ 307 ຄອບຄົວຕົວແບບໃນການລ້ຽງໝູ, ລ້ຽງນົກກະທາຊີ້ນ-ໄຂ່ (ວັນທີ 2/2/2023) ແລະ ຄອບຄົວ ສະຫາຍ ພັນໂທ ນາງ ບຸນຮອງ ວົງດີ ສັງກັດຢູ່ ກົມໃຫຍ່ພະລາທິການກອງທັບ ຄອບຄົວຕົວແບບໃນການຫຍິບໝາກເບັງບູຊາຂາຍ (ວັນທີ 3/2/2023).
