ຈັດຕັ້ງຜັນຂະຫຍາຍໃນອົງການຈັດຕັັ້ງສະຫະພັນຍິງທົ່ວກອງທັບໃຫ້ກວ້າງຂວາງ ແລະ ຕໍ່ເນື່ອງ ໃນຕອນເຊົ້າຂອງ ວັນທີ 12 ພຶດສະພາ 2022 ພະແນກສະຫະພັນແມ່ຍິງ ກອງພົນທະຫານຮາບທີ 5 ໄດ້ຈັດຕັ້ງເຜີຍແຜ່ຜົນສໍາເລັດກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ VIII, ສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ໃນໄລຍະ 5 ປີ (2016-2020) ແລະ ຜ່ານທິດທາງແຜນການ 5 ປີ (2021-2025); ເປັນປະທານ ແລະ ເຜີຍແຜ່ເອກະສານ ໂດຍທ່ານ ພັນເອກ ພັນເອກ ນາງ ໄພວອນ ອິນທະບຸດ ຄະນະບໍລິຫານງານສູນກາງສະຫະພັນແມ່ຍິງລາວ ຫົວໜ້າຫ້ອງການສະຫະພັນແມ່ຍິງກອງທັບ ພ້ອມດ້ວຍທີມງານ, ເຂົ້າຮ່ວມມີທ່ານ ພັນໂທ ສາຍສະໝອນ ສາລິຄໍາ ຮອງຫົວໜ້າຫ້ອງການເມືອງ ຜູ້ຊີ້ນໍາອົງການຈັດຕັ້ງມະຫາຊົນ ກອງພົນທະຫານຮາບທີ 5, ມີຄະນະພັກ-ຄະນະບັນຊາ, ຄະນະນໍາແມ່ຍິງຕະຫຼອດຮອດສະມາຊິກສະຫະພັນແມ່ຍິງ ເຂົ້າຮ່ວມທັງໝົດຈໍານວນ 115 ສະຫາຍ, ຊາຍ 24 ສະຫາຍ.
(ຂ່າວ ແລະ ຮູບພາບຈາກ: ຫ້ອງການສະຫະພັນແມ່ຍິງກອງທັບ).