ປະທານຄະນະບໍລິຫານງານ ສສຍລ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ແຂວງກວາງນາມ, ສສ ຫວຽດນາມ ຢ່າງເປັນທາງການ, ດັ່ງນັ້ນ ການນຳຂັ້ນສູງຂອງແຂວງກວາງນາມ, ນຳໂດຍ ທ່ານ ຟານ ຫວຽດ ເກືອງ, ກຳມະການສູນກາງພັກ, ເລຂາພັກແຂວງ, ປະທານສະພາປະຊາຊົນແຂວງກວາງນາມ ໄດ້ຈັດພິທີຕ້ອນຮັບ ຄະນະຜູ້ແທນຂັ້ນສູງຂອງ ສສຍລ ໃນຕອນຄ່ຳຂອງວັນທີ 5/7/2022. ພ້ອມນີ້ ສຍ ແຂວງກວາງນາມ ກໍໄດ້ຈັດພາເຂົ້າສາມັກຄີ ເພື່ອຕ້ອນຮັບຄະນະຜູ້ແທນລາວ ໃນຕອນຄ່ຳຂອງວັນທີ 6/7/2022 ຊຶ່ງເຕັມໄປດ້ວຍຄວາມຮັກແພງ, ຄວາມສະໜິດສະໜົມ, ໄມຕີຈິດມິດຕະພາບ ແລະ ຄວາມສາມັກຄີແບບພິເສດ.
