ຫ້ອງການສະຫະພັນແມ່ຍິງກອງທັບ ໄດ້ໄປຢ້ຽມຢາມ, ອວຍພອນບັນດາແມ່ປ້າ ອາດີດການນໍາຫ້ອງການສະຫະພັນແມ່ຍິງກອງທັບ ແລະ ພະນັກງານປະຕິວັດອາວຸໂສບຳນານ

ເນື່ອງໃນໂອກາດວັນແມ່ຍິງສາກົນ 08 ມີນາ ຄົບຮອບ 113 ປີ ແລະ ໂອກາດສົ່ງທ້າຍປີເກົ່າ ພສ 2565 ຕ້ອນຮັບປີໃໝ່ລາວ ພສ 2566 ຄະນະຫ້ອງການ ພ້ອມດ້ວຍພະນັກງານຫ້ອງການສະຫະພັນແມ່ຍິງກອງທັບ ໄດ້ໄປຢ້ຽມຢາມ, ອວຍພອນບັນດາແມ່ປ້າ ອາດີດການນໍາຫ້ອງການສະຫະພັນແມ່ຍິງກອງທັບ ແລະ ພະນັກງານປະຕິວັດອາວຸໂສບຳນານຄື: ປ້າ ທອງວັນ ສີພັນດອນ, ປ້າ ຄຳເມິງ ວໍລະຈິດ, ປ້າ ຈັນສຸກ ຂັດຕິຍະລາດ, ປ້າ ໄຕເພັດ ສີລາເພັດ, ປ້າ ແວ່ນແກ້ວ ອຸທາວົງ, ປ້າ ກອງສີ ແສງອາລຸນ, ປ້າ ອຸ່ນຄຳ ແສງຄຳຢອງ, ປ້າ ທິບພາວັນ ພົມມະແສນ, ປ້າ ຄຳພູ ສິດທິເສນ, ປ້າ ມະນີລາ ດາດົງໄຊ.

ໂອກາດດຽວກັນນີ້ ທ່ານ ພັນເອກ ນາງ ໄພວອນ ອິນທະບຸດ ຄະນະບໍລິຫານງານສູນກາງສະຫະພັນແມ່ຍິງລາວ ຫົວໜ້າຫ້ອງການສະຫະພັນແມ່ຍິງກອງທັບ, ໄດ້ກ່າວຄຳອວຍພອນ ແລະ ຮູ້ບຸນຄຸນອັນລົ້ນເຫຼືອ ມາຍັງບັນດາທ່ານປ້າ ເຊິ່ງຍາມໃດກໍ່ໄດ້ໃຫ້ຄວາມເປັນຫ່ວງເປັນໄຍ ອົບຮົມສັ່ງສອນລູກຫຼານຜູ້ສືບທອດ ໄດ້ຮ່ຳຮຽນເອົາບົດຮຽນທີ່ດີຕະຫຼອດໄປ.