ຫຼັງຈາກສຳເລັດກອງປະຊຸມຊຸກຍູ້ຕິດຕາມວຽກງານພັດທະນາແມ່ຍິງ ແລະ ການຈັດຈັ້ງປະຕິບັດວາລະແຫ່ງຊາດ ຂອງສະຫະພັນແມ່ຍິງລາວ, ໃນຕອນບ່າຍ ທ່ານ ນ. ອິນລາວັນ ແກ້ວບຸນພັນ ປະທານຄະນະບໍລິຫານງານ ສສຍລ ພ້ອມຄະນະ ກໍໄດ້ໄປຢ້ຽມຢາມສະຖານທີ່ ທີ່ຈະປັບປຸງເປັນສູນຝຶກອົບຮົມວິຊາຊີບ ຂອງສະຫະພັນແມ່ຍິງແຂວງເຊກອງ ແລະ ໄດ້ໄປຢຽມຊົມຂວາຂ້າມນໍ້າເຊ. ຫຼັງຈາກນັ້ນ ທ່ານຄະນະປະທານ ສສຍລ ພ້ອມຄະນະ ກໍໄດ້ເດີນທາງໄປເຄື່ອນໄຫວວຽກງານຢູ່ແຂວງສະຫວັນນະເຂດ.
