ພ້ອມນີ້, ໃນຕອນເຊົ້າວັນທີ 31 ພຶດສະພາ 2023 ສູນກາງສະຫະພັນແມ່ຍິງລາວ ຮ່ວມກັບອົງການອຸຍນີເຊບ ປະຈໍາ ສປປ ລາວ ໄດ້ລົງເຄື່ອນໄຫວວຽກງານ ຢູ່ບ້ານເວີນ ເມືອງໄຊບູລີ ແຂວງສະຫວັນນະເຂດ ເພື່ອປຸກລະດົມ, ໂຄສະນາ, ຊຸກຍູ້ໃຫ້ປະຊາຊົນໄດ້ຮັບການສັກວັກຊິນປ້ອງກັນພະຍາດ ໂຄວິດ-19 ທີ່ໄດ້ຮັບການສະໜັບສະໜູນຈາກອົງການ UNICEF ເປັນປະທານຮ່ວມໂດຍ ທ່ານ ນ. ອິນລາວັນ ແກ້ວບຸນພັນ ປະທານຄະນະບໍລິຫານງານ ສູນກາງສະຫະພັນແມ່ຍິງລາວ ແລະ ທ່ານ ນ. ເພຍ ບຣິດໂຕ ຜູ້ຕາງໜ້າອົງການອຸຍນິເຊບ ປະຈຳ ສປປ ລາວ ຊຶ່ງໃນການລົງມາຄັ້ງນີ້ແມ່ນເພື່ອແນະນຳວິທີປ້ອງກັນຕົນເອງ, ສະມາຊິກພາຍໃນຄອບຄົວ ແລະ ຄົນອ້ອມຂ້າງທີ່ມີຄວາມສ່ຽງ, ຫຼີກເວັ້ນການຕິດເຊື້ອ ແລະ ແພ່ເຊື້ອຈາກພະຍາດດັ່ງກ່າວ; ເຂົ້າຮ່ວມໂດຍທ່ານ ນ. ວຽງສະໝອນ ພະພິທັກ ປະທານ ສຍ ແຂວງ, ປະທານ ສຍ ເມືອງ ພ້ອມດ້ວຍນັກຮຽນ ແລະ ປະຊາຊົນພາຍໃນບ້ານເຂົ້າຮ່ວມຢ່າງພ້ອມພຽງ.
ພາຍໃນກິດຈະກຳຍັງໄດ້ສາທິດວິທີການລ້າງມືດ້ວຍສະບູ ແລະ ແຈກອາຫານໂພຊະນາການເນື່ອງໃນໂອກາດວັນເດັກນ້ອຍສາກົນທີ່ຈະມາເຖິງນີ້.
