ວັນທີ 16 ມີນາ 2023, ສູນກາງສະຫະພັນແມ່ຍິງລາວ ໄດ້ຕ້ອນຮັບການມາຢ້ຽມຢາມ ຂອງທ່ານນາງ Shannon Farrell ຮອງເອກອັກຄະລັດຖະທູດ ແຫ່ງປະເທດສະຫະລັດອາເມລິກາ ປະຈຳ ສປປ ລາວ ພ້ອມຄະນະ ຕ້ອນຮັບຄະນະໂດຍ ທ່ານນາງ ສິລິກິດ ບຸບຜາ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ ພ້ອມຄະນະ. ໂອກາດນີ້ ທ່ານນາງ ສິລິກິດ ບຸບຜາ ໄດ້ນໍາສະເໜີໂດຍຫຍໍ້ກ່ຽວກັບພາລະບົດບາດ ແລະ ໜ້າທີ່ຂອງສູນກາງສະຫະພັນແມ່ຍິງລາວ. ນອກນີ້ຍັງໄດ້ປຶກສາຫາລືກ່ຽວກັບການພົວພັນຮ່ວມມືກັນໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ ໂດຍສະເພາະ ວຽກງານສົ່ງເສີມຄວາມສະເໝີພາບລະຫວ່າງຍິງ-ຊາຍ, ການສ້າງຄວາມເຂັ້ມແຂງໃຫ້ແມ່ຍິງ ແລະ ການຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ, ວຽກງານໂພສະນາການ, ວຽກງານພັດທະນາສີມືແຮງງານເອື້ອຍນ້ອງແມ່ຍິງ ແລະ ການສົ່ງເສີມໃຫ້ເອື້ອຍນ້ອງແມ່ຍິງໄດ້ເຂົ້າເຖິງຂໍ້ມູນຂ່າວສານໃຫ້ຫຼາຍຂຶ້ນ.
