ໃນຕອນບ່າຍວັນທີ 01 ມິຖຸນາ 2022 ສູນກາງສະຫະພັນແມ່ຍິງລາວ ຈັດກອງປະຊຸມຊຸກຍູ້ຕິດຕາມວຽກງານພັດທະນາແມ່ຍິງ ແລະ ການຈັດຕັ້ງປະຕິບັດວາລະແຫ່ງຊາດ ຂອງສະຫະພັນແມ່ຍິງລາວ ຢູ່ທີ່ແຂວງອັດຕະປື ໂດຍການເປັນປະທານຂອງທ່ານ ນ. ອິນລາວັນ ແກ້ວບຸນພັນ ປະທານຄະນະບໍລິຫານງານ ສສຍລ ມີສະຫະພັນແມ່ຍິງແຂວງ ແລະ ສະມາຊິກແມ່ຍິງອ້ອມຂ້າງແຂວງເຂົ້າຮ່ວມ. ໃນກອງປະຊຸມ ທ່ານ ນ. ຈັນເພັດ ຈັນທະມາດ ປະທານ ສຍ ແຂວງ ໄດ້ລາຍງານໂດຍຫຍໍ້ສະພາບລວມຂອງການຈັດຕັ້ງປະຕິບັດວຽກງານພັດທະນາແມ່ຍິງ ທີ່ຕິດພັນກັບການຈັດຕັ້ງປະຕິບັດວາລະແຫ່ງຊາດຂອງແຂວງ.
ຈາກນັ້ນ, ຕາງໜ້າຈາກຫ້ອງການ, ກົມຈັດຕັ້ງ ແລະ ພະນັກງານ, ກົມພັດທະນາແມ່ຍິງລາວ, ຫ້ອງການກອງເລຂາ ຄຊກມດ, ສູນໃຫ້ຄຳປຶກສາປົກປ້ອງແມ່ຍິງ-ເດັກນ້ອຍ ສສຍລ ກໍໄດ້ນຳສະເໜີພາລະບົດບາດຂອງຕົນ ພ້ອມທັງວຽກງານທີ່ຕິດພັນກັບການຈັດຕັ້ງປະຕິບັດວາລະແຫ່ງຊາດ.
