loader image

ສູນກາງສະຫະພັນແມ່ຍິງລາວ ຈັດປາຖະກະຖາວັນສໍາຄັນຂອງພັກ ຂອງຊາດ ແລະ ຂອງສາກົນ

May 30, 2022 | ຂ່າວສານ

ສູນກາງສະຫະພັນແມ່ຍິງລາວ ຈັດປາຖະກະຖາວັນສໍາຄັນຂອງພັກ ຂອງຊາດ ແລະ ຂອງສາກົນ ຂຶ້ນໃນວັນທີ 30 ພຶດສະພາ 2022. ປາຖະກະຖາໂດຍ ທ່ານ ນາງ ສິລິກິດ ບຸບຜາ ຮອງປະທານຄະນະບໍລິຫານງານ ສສຍລ

 

ມີທ່ານຮອງປະທານ, ຄະນະຫ້ອງການ, ກົມ, ສູນ, ຫ້ອງການ ຄຊກມດ, ລັດວິສາຫະກິດຝ້າຍລາວ ພ້ອມດ້ວຍລັດຖະກອນ ເຂົ້າຮ່ວມ. ທ່ານຮອງປະທານຄະນະບໍລິຫານງານ ສສຍລ ໄດ້ປາຖະກະຖາໃນ 07 ຫົວຂໍ້ຄື: 1. ວັນຜ່າວົງປິດລ້ອມຂອງກອງພັນທີ 2 ວິລະຊົນທົ່ງໄຫຫີນ ແຂວງຊຽງຂວາງ ຄົບຮອບ 63 ປີ; 2. ວັນວິລະກຳໂຕນຄຸກຢ່າງມະຫັດສະຈັນຂອງບັນດາຜູ້ນໍາພັກ ແລະ ແນວລາວຮັກຊາດ ຄົບຮອບ 62 ປີ

 

 

3. ວັນໄຊຊະນະບັ້ນຮົບດຽນບຽນຟູ ຄົບຮອບ 68 ປີ; 4. ວັນເກີດ ທ່ານ ປະທານໂຮ່ຈີມິນ ຄົບຮອບ 132 ປີ; 5. ວັນໄຊຊະນະຂອງສະຫະພາບໂຊວຽດເໜືອຟາຊິດເຍຍລະມັນ ໃນສົງຄາມໂລກ ຄັ້ງທີ II ຄົບຮອບ 77 ປີ; 6. ວັນເກີດ ທ່ານ ກາກ ມາກ ຄົບຮອບ 204 ປີ ແລະ 7. ວັນກຳມະກອນສາກົນ ຄົບຮອບ 136 ປີ. ຫຼັງຈາກນັ້ນ ທ່ານ ນາງ ພູຄໍາ ຄັດສະຫວ່າງ ຫົວໜ້າກົມກວດກາ ກໍໄດ້ຂຶ້ນເຜີຍແຜ່ຜົນຂອງການເຂົ້າຮ່ວມກອງປະຊຸມກວດກາທົ່ວປະເທດ ຄັ້ງທີ IV ຕື່ມອີກ.