ວັນທີ 17 ມິຖຸນາ 2022 ສະຫະພັນແມ່ຍິງແຂວງສາລະວັນ ໄດ້ຈັດກອງປະຊຸມຝຶກອົບຮົມສ້າງຄວາມເຂັ້ມແຂງໃຫ້ພະນັກງານວິຊາການ ສະຫະພັນແມ່ຍິງແຂວງ ພາຍໃຕ້ການເປັນປະທານຂອງທ່ານ ນາງ ດວງມາລາ ສີສະໝຸດ ຮອງປະທານຄະນະບໍລິຫານງານ ສຍຂ, ມີຄະນະປະທານ, ຫົວໜ້າຂະແໜງ, ຮອງຂະແໜງ ຕະຫຼອດຮອດພະນັກງານວິຊາການເຂົ້າຮ່ວມຢ່າງພ້ອມພຽງ. ໃນກອງປະຊຸມໄດ້ນຳສະເໜີ 3 ເອກະສານຄື: ເອກະສານສ້າງຄວາມເຂັ້ມແຂງໃຫ້ແກ່ພະນັກງານ ສຍຂ, ທັກສະໃນການເປັນຜູ້ນຳທີ່ດີ, ຫຼັກການເວົ້າທີ່ດີຂອງນັກວິທະຍາກອນ ແລະ ຮຽນຮູ້ທັກສະໃນການສົ່ງຄວາມຮູ້.
(ຂ່າວ ແລະ ຮູບພາບຈາກ: ສຍ ແຂວງສາລະວັນ)
