ໂທລະສັບ 021 316253

ສະຫະພັນແມ່ຍິງກະຊວງປ້ອງກັນປະເທດ ຈັດຕັ້ງພິທີປາຖະກະຖາຫວນຄືນມູນເຊື້ອ ວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ

Jul 18, 2023 | ຂ່າວສານ ແລະ ກິດຈະກຳ

ວັນທີ 18 ກໍລະກົດ 2023 ສະຫະພັນແມ່ຍິງກະຊວງປ້ອງກັນປະເທດ ໄດ້ຈັດຕັ້ງພິທີປາຖະກະຖາຫວນຄືນມູນເຊື້ອ ວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວຄົບຮອບ 68 ປີ (ວັນທີ 20 ກໍລະກົດ 1955 ຫາ 20 ກໍລະກົດ 2023) ໃຫ້ກຽດເຂົ້າຮ່ວມໂດຍທ່ານ ພົ.ຕ ວໍລະສານ ວິລັດດາວົງ ຄະນະປະຈຳພັກກະຊວງ, ຮອງຫົວໜ້າກົມໃຫ່ຍການເມືອງກອງທັບ, ຜູ້ຊີ້ນຳອົງການຈັດຕັ້ງມະຫາຊົນ, ທ່ານ ພັ.ອ ນາງ ໄພວອນ ອິນທະບຸດ ຄະນະບໍລິຫານງານສູນສະຫະພັນແມ່ຍິງລາວ, ຫົວໜ້າຫ້ອງການສະຫະພັນແມ່ຍິງກອງທັບ, ທ່ານປ້າ ຄຳສອນ ຈັນຍາລາດ ພັນລະຍາ ຂອງທ່ານ ລັດຖະມົນຕີກະຊວງປ້ອງກັນປະເທດ ພ້ອມດ້ວຍຄອບຄົວການນຳຂັ້ນສູງ, ອະດີດຄະນະນໍາຫ້ອງການສະຫະພັນແມ່ຍິງ, ພະນັກງານປະຕິວັດອາວຸໂສ ບໍານານ, ບັນດາທ່ານຄະນະພັກ, ຄະນະບັນຊາ, ຄະນະນໍາ ສະຫະພັນແມ່ຍິງ ພ້ອມດ້ວຍສະມາຊິກແມ່ຍິງອ້ອມຂ້າງກະຊວງປ້ອງກັນປະເທດ ເຂົ້າຮ່ວມຢ່າງພ້ອມພຽງ.
ໃນພິທີໄດ້ຮັບຟັງການຫວນຄືນມູນເຊື້ອວັນສ້າງຕັ້ງສະຫະພັນແມ່ຍິງລາວ ຊຶ່ງໃຫ້ກຽດປາຖະກະຖາໂດຍ ທ່ານປ້າ ບົວຄໍາ ພົມມະຈັນ ວິລະຊົນແຫ່ງຊາດ, ອະດີດຄະນະບັນຊາກອງກໍາລັງໄຟເພດຍິງ 769.
ໂອກາດນີ້ ຜູ້ເຂົ້້າຮ່ວມຍັງໄດ້ຮັບຊົມ ການສະແດງຂອງສີລະປະກອງທັບ ເຊີ່ງເຕັມໄປດ້ວຍບັນຍາກາດເບີກບານມ່ວນຊື່ນ ແລະ ມີເນື້ອໃນ ຄວາມໜາຍອັນເລິກເຊີ່ງ ສ່ອງແສງໃຫ້ເຫັນມູນເຊື້ອພິລະອາດຫານ, ຜົນງານ ແລະ ວິລະກໍາອັນລໍ້າເລີດຂອງຜູ້ເປັນແມ່ຍິງ ທີ່ໄດ້ອຸທິດຕົນເພື່ອພາລະກິດປົດປ່ອຍຊາດ ກໍ່ຄື ພາລະກິດ ປົກປັກຮັກສາ ແລະ ສ້າງສາພັດທະນາປະເທດຊາດໃນໄລຍະໃໜ່ຕື່ມອີກ.