ວັນທີ 20 ມີນາ 2023, ສະຫະພັນແມ່ຍິງກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ (ຖວທ) ໄດ້ຈັດພິທີປາຖະກະຖາມູນເຊື້ອວັນແມ່ຍິງສາກົນ 8 ມີນາ ຄົບຮອບ 113 ປີ ໂດຍໃຫ້ກຽດເຂົ້າຮ່ວມຂອງທ່ານນາງ ສວນສະຫວັນ ວິຍະເກດ ກຳມະການສູນກາງພັກ, ລັດຖະມົນຕີກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ, ມີທ່ານນາງ ລາວັນ ສຸດທິສານ ຮອງປະທານຄະນະບໍລິຫານງານສູນການສະຫະພັນແມ່ຍິງລາວ, ຄະນະບໍລິຫານງານສະຫະພັນແມ່ຍິງກະຊວງ, ຄະນະໜ່ວຍສະຫະພັນແມ່ຍິງອ້ອມຂ້າງກະຊວງ ແລະ ແຂກຖືກເຊີນເຂົ້າຮ່ວມ. ໃນພິທີຜູ້ເຂົ້າຮ່ວມໄດ້ຮັບຟັງບົດສະຫຼຸບການເຄື່ອນໄຫວວຽກງານປະຈຳປີ 2022 ແລະ ທິດທາງແຜນປີ 2023 ຂອງສະຫະພັນແມ່ຍິງ ຖວທ. ຫຼັງຈາກນັ້ນ, ຜູ້ເຂົ້າຮ່ວມໄດ້ຮັບຟັງການເລົ່າຄຶນມູນເຊື້ອວັນແມ່ຍິງສາກົນ 8 ມີນາ ຈາກທ່ານນາງ ລາວັນ ສຸດທິສານ ຮອງປະທານຄະນະບລິຫານງານສູນກາງສະຫະພັນແມ່ຍິງລາວ ຕື່ມອີກ.
