ໃນຕອນເຊົ້າຂອງວັນທີ 18 ພຶດສະພາ 2023 ສະຫະພັນແມ່ຍິງກະຊວງກະສິກຳ ແລະ ປ່າໄມ້ ໄດ້ມອບເບ້ຍໄມ້ ໃຫ້ຫ້ອງການສະຫະພັນແມ່ຍິງກອງທັບ ມີເບ້ຍໄມ້ຍາງ, ໄມ້ແຄນ, ໄມ້ດູ່ລາຍ, ໄມ້ຄະຍຸງ, ໄມ້ບາກ ຈໍານວນ 250 ເບ້ຍ ແລະ ຜ່າຫົ່ມຈໍານວນ 10 ຜືນ ເພື່ອນໍາໄປມອບໃຫ້ໂຄງການພັດທະນາກຸ່ມບ້ານຄັງວຽງ, ກອງພັນໃຫຍ່ 584 ເມືອງໝອກ ແຂວງຊຽງຂວາງ ລວມມູນຄ່າ 5,280,000 ກີບ. ກ່າວມອບໂດຍ ທ່ານ ນາງ ຫຼອມຄໍາ ແສງຈັນອຸດົມ ຮອງປະທານສະຫະພັນແມ່ຍິງກະຊວງ ກະຊວງກະສິກຳ ແລະ ປ່າໄມ້ ກ່າວຮັບໂດຍ ທ່ານ ພັນໂທ ນາງ ປາ ວົງສະແຫວງ ຮອງຫົວໜ້າຫ້ອງການສະຫະພັນແມ່ຍິງກອງທັບ ພ້ອມດ້ວຍພະນັກງານທັງສອງຝ່າຍ.
(ຂ່າວ ແລະ ຮູບພາບ: ຈາກຫ້ອງການສະຫະພັນແມ່ຍິງກອງທັບ)
