ໂທລະສັບ 021 316253

ສະຫະພັນແມ່ຍິງກອງທັບ ໄດ້ຈັດກອງປະຊຸມສ່ອງແສງປະຈໍາເດືອນ 3

Mar 30, 2023 | ຂ່າວສານ ແລະ ກິດຈະກຳ

ໃນຕອນເຊົ້າວັນທີ 28 ມີນາ 2023 ທີ່ສະໂມສອນຊັ້ນ 3 ຂອງຫ້ອງການເມືອງກົມໃຫຍ່ການເມືອງກອງທັບ. ຫ້ອງການສະຫະພັນແມ່ຍິງກອງທັບ ໄດ້ຈັດກອງປະຊຸມສ່ອງແສງປະຈໍາເດືອນ 3, ວາງທິດທາງແຜນການປະຈໍາເດືອນ 4 ປີ 2023 ແລະ ຈັດຕັ້ງເຜີຍແຜ່ມະຕິກອງປະຊຸມຄົບຄະນະບໍລິຫານງານສູນກາງສະຫະພັນແມ່ຍິງລາວ ຄັ້ງທີ 2 ສະໄໝທີ VIII, ໂດຍການເປັນປະທານຂອງ ທ່ານ ພັນເອກ ນາງ ໄພວອນ ອິນທະບຸດ ຄະນະບໍລິຫານງານສູນກາງສະຫະພັນແມ່ຍິງລາວ ຫົວໜ້າຫ້ອງການສະຫະພັນແມ່ຍິງກອງທັບ, ມີພັນເອກ ນາງ ຫຼ້າ ຄູນນະວົງສາ ຮອງຫົວໜ້າຫ້ອງການສະຫະພັນແມ່ຍິງກອງທັບ, ມີຄະນະນໍາສະຫະພັນແມ່ຍິງ, ຂັ້ນຂະແໜງ ແລະ ໜ່ວຍເອກະລາດ ທີ່ຂຶ້ນກັບຫ້ອງການສະຫະພັນແມ່ຍິງກອງທັບໃນຂອບເຂດໃຈກາງນະຄອນຫຼວງ ພ້ອມດ້ວຍພະນັກ
ງານຫ້ອງການສະຫະພັນແມ່ຍິງກອງທັບ ເຂົ້າຮ່ວມທັງໜົດ ຈໍານວນ 31 ສະຫາຍ. ໃນພິທີ ທ່ານ ພັນເອກ ນາງ ຫຼ້າ ຄຸນນະວົງສາ ຮອງຫົວໜ້າຫ້ອງການສະຫະພັນແມ່ຍິງກອງທັບ ໄດ້ຂຶ້ນຜ່ານຂໍ້ຕົກລົງ ຂອງກົມໃຫຍ່ການເມືອງກອງທັບ ແລະ ເຜີຍແຜ່ມະຕິກອງປະຊຸມຄົບຄະນະບໍລິຫານງານສູນກາງສະຫະພັນແມ່ຍິງລາວ ຄັ້ງທີ 2 ສະໄໝທີ VIII ແລະ ທ່ານ ພັນເອກ ນາງ ໄພວອນ ອິນທະບຸດ ຄະນະບໍລິຫານງານສູນກາງສະຫະພັນແມ່ຍິງລາວ ຫົວໜ້າຫ້ອງການສະຫະພັນແມ່ຍິງກອງທັບ ໃຫ້ກຽດຜ່ານບົດໂອ້ລົມ ຂອງທ່ານ ນາງ ສີໃສ ລືເດດ ມູນສອນ ກໍາມະການກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ ຕໍ່ກອງປະຊຸູມຄົບຄະນະບໍລິຫານງານສູນກາງສະຫະພັນແມ່ຍິງລາວ ຄັ້ງທີ 2 ສະໄໝທີ VIII.
(ຂ່າວ ແລະ ຮູບພາບຈາກ: ຫ້ອງການສະຫະພັນແມ່ຍິງກອງທັບ)