ໂທລະສັບ 021 316253

ສະຫະພັນແມ່ຍິງກອງທັບ ເຂົ້າຢ້ຽມຊົມຫໍມູນເຊື້ອສູນກາງສະຫະພັນແມ່ຍິງລາວ

Jul 18, 2023 | ຂ່າວສານ ແລະ ກິດຈະກຳ

ຕອນເຊົ້າວັນທີ 17 ກໍລະກົດ 2023 ຫ້ອງການສະຫະພັນແມ່ຍິງກອງທັບ ໄດ້ເຂົ້າຢ້ຽມຊົມຫໍມູນເຊື້ອສູນກາງສະຫະພັນແມ່ຍິງລາວ ເນື່ອງໃນໂອກາດວັນສ້າງຕັ້ງສະຫະພັນແມ່ຍິງລາວ ຄົບຮອບ 68 ປີ (20 ກໍລະກົດ 1955 – 20 ກໍລະກົດ 2023 ), ນຳພາໂດຍ ສະຫາຍ ພັນໂທ ນາງ ປາ ວົງສະແຫວງ ຮອງຫົວໜ້າຫ້ອງການສະຫະພັນແມ່ຍິງກອງທັບ ພ້ອມດ້ວຍສະມາຊິກສະຫະພັນແມ່ຍິງເຂົ້າຮ່ວມ. ການເຂົ້າຊົມຫໍມູນເຊື້ອສູນກາງສະຫະພັນແມ່ຍິງຄັ້ງນີ້ ໄດ້ຮັບຟັງການອະທິ ບາຍເຫດການຕ່າງໆ ໃນປະຫວັດສາດ, ທ່ຽວຊົມການວາງສະແດງຮູບພາບ ແລະ ວັດຖຸພັນຕ່າງໆ, ຈຸດ ປະສົງກໍ່ເພື່ອເຮັດໃຫ້ສະມາຊິກສະຫະພັນແມ່ຍິງເຊື່ອມຊຶມ ເຂົ້າໃຈແຈ້ງເຖິງມູນເຊື້ອປະຫວັດສາດ ຄວາມເປັນມາແຫ່ງການກຳເນີດ ແລະ ການເຕີບໃຫຍ່ຂະຫຍາຍຕົວຂອງອົງການຈັດຕັ້ງສະຫະພັນແມ່ຍິງລາວ, ທັງເປັນການປູກຈິດສຳນຶກໃນການຮັກສາ ແລະ ເສີມຂະຫຍາຍຄຸນລັກສະນະທີ່ເປັນມູນເຊື້ອຂອງແມ່ຍິງລາວບັນດາເຜົ່າ, ປຸກລະດົມສະມາຊິກສະຫະພັນແມ່ຍິງລາວ ກໍ່ຄື ສະຫະພັນແມ່ຍິງກອງທັບ ເປັນເຈົ້າການເຂົ້າຮ່ວມປະຕິບັດ 2 ໜ້າທີ່ຍຸດທະສາດ ໃນການປົກປັກຮັກສາ ແລະ ສ້າງສາພັດທະນາປະເທດຊາດ.
( ຂ່າວ ແລະ ຮູບພາບ ຈາກຫ້ອງການສະຫະພັນແມ່ຍິງກອງທັບ )