ໂທລະສັບ 021 316253

ສະຖາບັນແມ່ຍິງຫວຽດນາມ ສສ ຫວຽດນາມ ຈັດຝຶກອົບຮົມວຽກງານແມ່ຍິງ ໄລຍະ 2 ເດືອນ ປະຈໍາປີ 2023

Sep 20, 2023 | ຂ່າວສານ ແລະ ກິດຈະກຳ

ຊຸດຝຶກອົບຮົມວຽກງານແມ່ຍິງ ໄລຍະ 2 ເດືອນ ປະຈໍາປີ 2023 ໄດ້ໄຂຂຶ້ນໃນວັນທີ 10 ກັນຍາ 2023 ທີ່ ສະຖາບັນແມ່ຍິງຫວຽດນາມ ສສ ຫວຽດນາມ.
ຊຸດຝຶກອົບຮົມຄັ້ງນີ້ມີຄະນະສະຫະພັນແມ່ຍິງຈາກບັນດາ ກະຊວງ-ອົງການ ຈໍານວນ 11 ພາກ ສ່ວນ ( ສຍ ສະຖາບັນການເມືອງການປົກຄອງແຫ່ງຊາດ, ສຍ ຄະນະໂຄສະນາອົບຮົມ, ສຍ ແນວລາວສ້າງຊາດ, ສຍ ສູນກາງສະຫະພັນກໍາມະບານ, ສຍ ສູນກາງຊາວໜຸ່ມ ປະຊາຊົນປະຕິວັດລາວ, ສຍ ສະຫະພັນນັກຮົບເກົ່າແຫ່ງຊາດ, ສຍ ສູນກາງສະຫະພັນແມ່ຍິງລາວ, ສຍ ກະຊວງ ຊັບພະຍາກອນທໍາມະຊາດ ແລະ ສິ່ງແວດລ້ອມ, ສຍ ກະຊວງພະລັງງານ ແລະ ບໍ່ແຮ່ ແລະ ສຍ ກະຊວງອຸດສາຫະກໍາ ແລະ ການຄ້າ ຊຶ່ງນໍາໂດຍ ທ່ານນາງ ທອງຈັນ ອັກຄະມາເຂດ ຄະນະບໍລິຫານງານສູນກາງສະຫະພັນແມ່ຍິງລາວ ປະທານສະຫະພັນແມ່ຍິງກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ພ້ອມຄະນະ ຈໍານວນ 15 ທ່ານ. ຊຸດອົບຮົມດັ່ງກ່າວຈະດໍາເນີນໄປເຖິງວັນທີ 3 ພະຈິກ 2023, ການຝຶກອົບຮົມແມ່ນຈະມີທັງພາກທິດສະດີ ແລະ ທັດສະນະສຶກສາ ແລກປ່ຽນບົດຮຽນ ເບິ່ງພຶດຕິກໍາຕົວຈິງ ຈາກສະຖານທີ່ ທີ່ກ່ຽວຂ້ອງຕ່າງໆ.