ວັນທີ 27 ພຶດສະພາ 2022, ທ່ານ ນາງ ສິລິກິດ ບຸບຜາ ຮອງປະທານຄະນະບໍລິຫານງານ

ທ່ານ ນາງ ສິລິກິດ ບຸບຜາ ຮອງປະທານຄະນະບໍລິຫານງານ ສສຍລ ພ້ອມຄະນະ ເຂົ້າຮ່ວມຮັບຟັງປາຖະກະຖາ ກ່ຽວກັບການຄຸ້ມຄອງການເງິນ-ເງິນຕາຂອງທະນາຄານ ແລະ ການຄຸ້ມຄອງລາຄາສິນຄ້າອຸປະໂພກ-ບໍລິໂພກ ທີ່ຄະນະໂຄສະນາອົບຮົມສູນກາງພັກ. ປາຖະກະຖາໂດຍ ທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປ ລາວ ໃນຫົວຂໍ້ ການຄຸ້ມຄອງການເງິນ-ເງິນຕາ ແລະ ແລກປ່ຽນເງິນຕາຂອງທະນາຄານ ແລະ ທ່ານ ນາງ ຈັນສຸກ ແສງພະຈັນ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ໃນຫົວຂໍ້ ການຄຸ້ມຄອງລາຄາສິນຄ້າອຸປະໂພກ-ບໍລິໂພກ. ທັງສອງທ່ານໄດ້ ຊີ້ແຈງກ່ຽວກັບການແກ້ບັນຫາ ທີ່ຕິດພັນກັບເງິນຕາ ໃນຕໍ່ໜ້າ ແລະ ການຄຸ້ມຄອງນ້ຳມັນເຊື້ອໄຟ, ການຄຸ້ມຄອງລາຄາສິນຄ້າໃນທ້ອງຕະຫຼາດ, ການຄຸ້ມຄອງດ້ານການເງິນ-ເງິນຕາ ແລະ ຄຸ້ມຄອງຂອງລາຄາສິນຄ້າອຸປະໂພກ-ບໍລິໂພກ.