ວັນທີ 13 -15 ກໍລະກົດ 2022 ສູນກາງສະຫະພັນແມ່ຍິງລາວ ຮ່ວມກັບ ອົງການ UNDP ຈັດຝຶກອົບຮົມການສ້າງຍຸດທະສາດວຽກງານການສື່ສານສຳລັບພະນັກງານ ສສຍລ ໂດຍການເປັນປະທານຮ່ວມຂອງທ່ານນາງ ສຸກພາພອນ ຜານິດ ຜູ້ຈັດການໂຄງການP-EVAW ຂອງສູນກາງສະຫະພັນແມ່ຍິງລາວ ແລະ ທ່ານນາງ ຊາຣາ ແທ ຜູ້ຊ່ຽວຊານບົດບາດຍິງ-ຊາຍ ອົງການ UNDP ປະຈໍາ ສປປ ລາວ, ມີຫົວໜ້າກົມ, ຮອງກົມ ແລະພະນັກງານຈາກສູນກາງສະຫະພັນແມ່ຍິງລາວເຂົ້າຮ່ວມ ທັງໝົດ26 ທ່ານ.ຈຸດປະສົງເພື່ອນໍາສະເໜີຍຸດທະສາດການສື່ສານທີ່ອີງໃສ່ຄວາມຕ້ອງການຂອງກຸ່ມເປົ້າໝາຍ ຊຶ່ງສະແດງໃຫ້ເຫັນໄດ້ຈາກການວິເຄາະກຸ່ມເປົ້າໝາຍ, ນໍາສະເໜີຄໍາແນະນໍາຈາກທີມງານໂຄງການສໍາລັບຍຸດທະສາດການສື່ສານ ແລະ ທົບທວນຄືນ ແລະ ອະນຸມັດຮ່າງຍຸດທະສາດການສື່ສານ ແລະ ແຕ່ງຕັ້ງຜູ້ຮັບຜິດຊອບ ແລະ ຂັ້ນຕອນການສື່ສານສໍາລັບຖານເຄືອຂ່າຍຂອງສູນກາງສະຫະພັນແມ່ຍິງລາວ ທີ່ວັງວຽງ ແຂວງວຽງຈັນ.
