ພິທີແຂ່ງຂັນກິລາຍິງປືນຊີງຂັນພະນະທ່ານນາຍົກລັດຖະມົນຕີ ເນື່ອງໃນໂອກາດວັນສ້າງຕັ້ງກຳລັງປ້ອງກັນຄວາມສະຫງົບປະຊາຊົນ ຄົບຮອບ 62 ປີ (05 ເມສາ 1961- 05 ເມສາ 2023) ຈັດຂຶ້ນໃນວັນທີ 01 ເມສາ 2023 ພາຍໃຕ້ການເປັນປະທານຂອງທ່ານ ປອ ສອນໄຊ ສີພັນດອນ ກຳມະການກົມການເມືອງສູນກາງພັກ, ນາຍົກລັດຖະມົນຕີແຫ່ງ ສປປ ລາວ; ເຂົ້າຮ່ວມມີທ່ານ ພົ.ອ ວິໄລ ຫຼ້າຄຳຟອງ, ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບ, ບັນດາທ່ານການນຳຂັ້ນສູງພັກ, ລັດຖະບານ, ບັນດາທ່ານລັດຖະມົນຕີ, ຮອງລັດຖະມົນຕີ, ການນຳບັນດາກະຊວງ, ອົງການ, ກົມກອງອ້ອມຂ້າງສູນກາງ, ພະນັກງານປະຕິວັດ ອາວຸໂສບຳນານ, ຄະນະນຳກະຊວງ, ນາຍ ແລະ ພົນຕໍາຫຼວດ ເຂົ້າຮ່ວມຢ່າງພ້ອມພຽງ ທີ່ສະໜາມຝຶກຊ້ອມຍິງປືນ 05 ເມສາ. ສູນກາງສະຫະພັນແມ່ຍິງລາວ ເຂົ້າຮ່ວມໂດຍ ທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ ພ້ອມດ້ວຍຄະນະ.
