ໃນຕອນເຊົ້າວັນທີ 31 ຕຸລາ 2023 ທ່ານ ນາງ ທຳມາ ເພັດວິໄຊ ຮອງປະທານຄະນະບໍລິຫານງານ ສສຍລ ພ້ອມດ້ວຍຄະນະ ເຂົ້າຮ່ວມພິທີສະເຫຼີມສະຫຼອງວັນເດັກຍິງສາກົນ ປະຈຳປີ 2023 ແລະ ວັນສ້າງຕັ້ງແຜນງານ ນາງນ້ອຍ ຄົບຮອບ 7 ປີ (ວັນເກີດນາງນ້ອຍ 17ປີ) ພາຍໃຕ້ຫົວຂໍ້ “ລົງທຶນໃສ່ສິດທິເດັກຍິງ: ຍົກສູງຄວາມເປັນເຈົ້າການ, ເພື່ອຊີວິດທີ່ສົດໃສຂອງພວກເຮົາ” ທີ່ໂຮງແຮມເມືອງແທງ.
ໃນພິທີ ທ່ານ ນາງ ສຸກພາພອນ ຜານິດ ຫົວໜ້າຫ້ອງການ ສສຍລ ໄດ້ຕາງໜ້າ ສສຍລ ຂຶ້ນນໍາສະເໜີຜົນສຳເລັດ ແລະ ການປະກອບສ່ວນວຽກງານນາງນ້ອຍ ໄລຍະປີ 2022-2023 ຕື່ມອີກ.
