ສູນກາງສະຫະພັນແມ່ຍິງລາວ ຈັດພິທີປາຖະກະຖາວັນສຳຄັນຂອງພັກ, ຂອງຊາດ ແລະ ຂອງສາກົນຄື: ວັນຜ່າວົງປິດລ້ອມຂອງກອງພັນທີ 2 ວິລະຊົນທົ່ງໄຫຫີນແຂວງຊຽງ ຂວາງ ຄົບຮອບ 64ປີ; ວັນວິລະກຳແຫກຄຸກຂອງບັນດາຜູ້ນຳພັກ ແລະ ແນວລາວຮັກຊາດ ຄົບຮອບ 63 ປີ; ວັນໄຊຊະນະຂອງສະຫະພາບໂຊຫວຽດເໜືອຟາຊິດເຢຍລະມັນໃນສົງຄາມໂລກຄັ້ງທີ II ຄົບຮອບ 78ປີ; ວັນໄຊຊະນະບັ້ນຮົບປົດປ່ອຍດຽນບຽນຟູ ຄົບຮອບ 69 ປີ; ວັນເກີດທ່ານກາກມາກ ຄົບຮອບ 205 ປີ ແລະ ວັນເກີດທ່ານໂຮ່ຈີມິນ ຄົບຮອບ 133 ປີ ເຊິ່ງຈັດຂຶ້ນໃນວັນທີ 29 ພຶດສະພາ 2023 ໂດຍການເປັນປະທານ ແລະ ປາຖະກະຖາຂອງ ທ່ານ ນາງ ລາວັນ ສຸດທິສານ ຮອງປະທານຄະນະບໍລິຫານງານ ສສຍລ; ມີທ່ານມີທ່ານຮອງປະທານຄະນະບໍລິຫານງານ ສສຍລ, ຄະນະຫ້ອງການ, ກົມ, ສູນ, ຫ້ອງການ ຄຊກມດ, ສະຖາບັນການເງິນຈຸລະພາກທີ່ຮັບເງິນຝາກເພື່ອພັດທະນາແມ່ຍິງ ແລະ ຄອບຄົວ ແລະ ພະນັກງານ-ລັດຖະກອນ ສສຍລ ເຂົ້າຮ່ວມ.
ໃນພິທີ ທ່ານຮອງປະທານ ສສຍລ ໄດ້ຍົກໃຫ້ເຫັນມູນເຊື້ອອັນອົງອາດກ້າຫານ, ຄວາມມີນໍ້າໃຈເດັດດ່ຽວ ໜຽວແໜ້ນ ແລະ ມີໄຫວພິບສະຫຼາດສ່ອງໃສຂອງພະນັກງານ- ນັກຮົບໃນກອງພັນທີ 2 ໂດຍພາຍໃຕ້ການນຳພາຂອງພັກຕໍ່ສູ້ບໍ່ຍອມ ຈຳນົນຕ້ານກັບຈັກກະພັດຜູ້ຮຸກ ຮານທັງນ້ອຍ ແລະ ໃຫຍ່ ຫຼາຍຄັ້ງຈົນສາມາດເອົາຊະນະສັດຕູ ແລະ ສຸດທ້າຍກອງພັນທີ 2 ພ້ອມດ້ວຍ 91 ຄອບຄົວ ໄດ້ຜ່າວົງປິດລ້ອມຂອງສັດຕູໄປສູ່ເຂດທີ່ໝັ້ນ ດ້ວຍຄວາມປອດໄພ ເຊິ່ງເປັນເຫດການອັນສຳຄັນທາງປະຫວັດສາດຂອງພັກຂອງກອງທັບເຮົາ ແລະ ເປັນບົດຮຽນອັນລໍ້າຄ່າໃຫ້ຂະບວນການຕໍ່ສູ້ຂອງກອງທັບເຮົາ, ພ້ອມນີ້ກໍໄດ້ຍົກໃຫ້ເຫັນມູນເຊື້ອວິລະກຳໂຕນຄຸກຢ່າງມະ ຫັດສະຈັນຂອງບັນດາຜູ້ນຳຂອງພັກ ແລະ ແນວລາວຮັກຊາດ ທີ່ໄດ້ຂົນຂວາຍສາລະວັດທະຫານ ທີ່ເຂົ້າມາເວນຍາມຄຸກ ມາເປັນທາງຕົນເອງ ແລະ ວາງແຜນລະ ອຽດຮອບຄອບຈຶ່ງສາມາດໂຕນ ອອກຈາກຄຸກໄດ້ສໍາເລັດ ແລະ ເດີນທາງໄປສູ່ເຂດທີ່ໝັ້ນໄດ້ຢ່າງປອດໄພ ຕໍ່ເຫດການດັ່ງກ່າວນີ້ ສ່ອງແສງໃຫ້ເຫັນບົດບາດການນຳພາຂອງພັກຖືກຕ້ອງສະຫຼາດສ່ອງໃສ, ການຕໍ່ສູ້ຂອງພວກເຮົາ ແມ່ນເປັນທຳ, ການຜ່າວົງປິດລ້ອມຂອງກອງພັນທີ 2 ແມ່ນໄຊ ຊະນະອັນໃຫຍ່ຫຼວງຂອງກຳລັງປະກອບອາວຸດເຮົາທີ່ຢູ່ພາຍໃຕ້ການນໍາພາຂອງພັກ, ເປັນເຫດການປະຫວັດສາດອັນສຳຄັນ ຂອງຊາດ ຂອງພັກ, ຂອງກອງທັບ ແລະ ເປັນບົດຮຽນອັນລໍ້າຄ່າທີ່ສຸດໃຫ້ແກ່ຂະບວນການຕໍ່ສູ້ຂອງ ກອງທັບ ແລະ ປະຊາຊົນເຮົາຍາດ ເອົາໄຊຊະນະໃນໄລຍະຜ່ານມາ, ເສີມຂະຫຍາຍມູນເຊື້ອຕໍ່ສູ້ບໍ່ຍອມຈຳນົນຂອງບັນພະບູລຸດ ແລະ ປະຊາຊົນລາວຜູ້ຮັກຊາດ ສາມາດທັບມ້າງກົນອຸບາຍຂອງ ພວກຈັກກະພັດອາເມລິກາ ແລະ ລູກແຫຼ້ງຕີນມືຂອງພວກເຂົາທີ່ຫວັງດັບມອດກຳລັງປະຕິວັດໃຫ້ພັງທະລາຍລົງ, ສະແດງໃຫ້ເຫັນ ຄວາມບໍລິສຸດຜຸດຜ່ອງ, ຄວາມຈົງຮັກພັກດີ, ຄວາມສາມັກຄີເປັນຈິດໜຶ່ງໃຈດຽວ, ຄວາມອົດທົນໝັ້ນໜຽວ ບໍ່ຄອນແຄນຕໍ່ການນາບຂູ່ຫຼອກລວງຂອງສັດຕູ, ນໍ້າໃຈສູ້ຮົບພິລາດອາດຫານ ແລະ ມີພິບໄຫວຂອງກອງພັນທີ 2 ໄດ້ ເປັນແວ່ນແຍງ, ເປັນການປຸກລະ ດົມອັນແຮງກ້າໃຫ້ແກ່ຂະບວນ ການປະຕິວັດເພື່ອຕີເອົາຊະນະກັບຈັກກະພັດອາເມຣິກາ ແລະ ລູກແຫຼ້ງຕີນມື ພ້ອມດຽວກັນນັ້ນ ກໍເຮັດໃຫ້ກຳລັງປະຕິວັດ ໂດຍສະເພາະແມ່ນກຳລັງປະກອບອາວຸດ ປະຊາຊົນນັບມື້ເຕີບໃຫຍ່ຂະຫຍາຍຕົວ ແລະ ເຂັ້ມແຂງຢ່າງບໍ່ຢຸດຢັ້ງ.
ນອກຈາກນີ້ທ່ານຍັງໃຫ້ຮູ້ອີກວ່າໄຊຊະນະບັ້ນຮົບດຽນບຽນຟູ ແມ່ນບັ້ນຮົບປະສານເຫຼົ່າຂະໜາດໃຫຍ່ທີ່ສຸດ ຂອງກອງທັບປະຊາຊົນຫວຽດນາມ ໃນການຕໍ່ຕ້ານພວກລ່າ ເມືອງຂຶ້ນຝຣັ່ງ ປະກອບສ່ວນທຳລາຍແຜນການນາວາ ຂອງພວກລ່າເມືອງຂຶ້ນຝຣັ່ງ ແລະອາເມລິກາຜູ້ແຊກແຊງໃຫ້ແຕກທະລາຍໄປ, ເປັນໄຊຊະນະທີ່ມີຄວາມໝາຍຕັດສິນຕໍ່ການຕ້ານພວກລ່າເມືອງຂຶ້ນຝຣັ່ງ ຂອງປະຊາຊົນ ຫວຽດນາມ-ລາວ ແລະ ກຳປູເຈຍ.
ທັງນີ້ກໍເພື່ອສຶກສາອົບຮົມ ໃຫ້ພະນັກງານ, ສະມາຊິກພັກ, ຕະ ຫຼອດຮອດປະຊາຊົນບັນດາເຜົ່າ ແລະ ຊັ້ນຄົນຕ່າງໆເຂົ້າໃຈຢ່າງ ເລິກເຊິ່ງ ເຖິງມູນເຊື້ອພິລະອາດ ຫານ ແລະ ຜົນງານອັນໃຫຍ່ຫຼວງ ທີ່ບັນດາຜູ້ນໍາຮັກຊາດ ແລະ ວີລະ ກໍາອັນໃຫຍ່ຫຼວງຂອງກອງພັນ ທີ 2, ພາຍໃຕ້ການນຳພາຂອງພັກປະຊາຊົນປະຕິວັດລາວ ແນໃສ່ຍົກສູງນໍ້າໃຈຮັກຊາດ, ຮັກລະບອບໃໝ່, ຮັກລະບອບປະຊາທິປະໄຕປະຊາຊົນລາວ, ສ້າງຄວາມສາມັກຄີໃຫ້ເປັນປຶກແຜ່ນ, ສ້າງສະຕິເປັນເຈົ້າຕົນເອງເພິ່ງຕົນເອງ, ມີສະຕິລະວັງຕົວຕໍ່ກົນອຸບາຍທຳລາຍມ້າງເພຂອງອິດທິກຳລັງປໍລະປັກ ແລະ ເປັນເຈົ້າການເຂົ້າຮ່ວມໃນການປະຕິບັດແນວທາງປ້ອງກັນຊາດ-ປ້ອງກັນຄວາມ ສະຫງົບທົ່ວປວງຊົນຮອບດ້ານຂອງພັກໃນໄລຍະໃໝ່.
