ວັນທີ 16 ພະຈິກ 2022, ສູນກາງສະຫະພັນແມ່ຍິງລາວ ຈັດພິທີປະດັບຫຼຽນໄຊມິດຕະພາບຂອງພັກ-ລັດ ແຫ່ງ ສສ ຫວຽດນາມ ໃຫ້ແກ່ບັນດາສະຫະພັນແມ່ຍິງລາວ ເນື່ອງໃນໂອກາດປີສາມັກຄີມິດຕະພາບລາວ -ຫວຽດນາມ ປີ 2022 ອີງຕາມຂໍ້ຕົກລົງຂອງປະທານປະເທດແຫ່ງ ສສ ຫວຽດນາມ ວ່າດ້ວຍການປະດັບຫຼຽນໄຊ, ຫຼຽນກາມິດຕະພາບ ສະບັບເລກທີ770/QD-CTN ຮ່າໂນ້ຍ ລົງວັນທີ 01 ກໍລະກົດ 2022 ເຫັນດີຕົກລົງມອບຫຼຽນໄຊມິດຕະພາບພາບ ຈໍານວນ 18 ໜ່ວຍ, ຫຼຽນກາມິດຕະພາບ ຈໍານວນ 02 ໜ່ວຍ ໃຫ້ກົມກອງ 15 ພາກສ່ວນ ແລະ ບຸກຄົນ 05 ສະຫາຍ ຂອງສະຫະພັນແມ່ຍິງລາວ ທີ່ໄດ້ປະກອບສ່ວນຢ່າງຫຼວງຫຼາຍເຂົ້າໃນການຮັດແໜ້ນ ແລະ ເພີ່ມທະວີສາຍພົວພັນມິດຕະພາບທີ່ເປັນມູນເຊື້ອຄວາມສາມັກຄີພິເສດ ການຮ່ວມມືຮອບດ້ານສອງພັກ ສອງລັດ ຫວຽດນາມ-ລາວ. ພິທີໃນຄັ້ງນີ້ ຈັດຂຶ້ນເພື່ອມອບຫຼຽນໄຊມິດຕະພາບໃຫ້ ສະຫະພັນແມ່ຍິງແຂວງ 10 ແຂວງ ຄື: ສະຫະພັນແມ່ຍິງແຂວງຫົວພັນ, ຊຽງຂວາງ, ບໍລິຄໍາໄຊ, ຄໍາມ່ວນ, ຈໍາປາສັກ, ສະຫວັນນະເຂດ, ອັດຕະປື, ຜົ້ງສາລີ, ຫຼວງພະບາງ ແລະ ອຸດົມໄຊ. ໃຫ້ກຽດມອບໂດຍ ທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ.
