ພາຍຫຼັງສຳເລັດການປູກຕົ້ນໄມ້ແລ້ວ, ທ່ານ ນ.ອິນລາວັນ ແກ້ວບຸນພັນ ປະທານຄະນະບໍລິຫານງານ ສສຍລ ແລະ ທ່ານ ເຫຼັກໄຫຼ ສີວິໄລ ເລຂາພັກແຂວງ ເຈົ້າແຂວງໆເຊກອງ ໄດ້ເຂົ້າຮ່ວມເປັນປະທານພ້ອມທັງກ່າວເປີດຝຶກອົບຮົມຄູຝຶກກຸ່ມທ້ອນເງິນ ເພື່ອການປ່ຽນແປງ ທີ່ຫ້ອງປະຊຸມແຂວງເຊກອງ ຊຶ່ງກົມພັດທະນາແມ່ຍິງ ສູນກາງສະຫະພັນແມ່ຍິງລາວເປັນຜູ້ຈັດ ມີສຍ ແຂວງ, ສຍ ເມືອງກະລຶມ, ສຍ ເມືອງທ່າແຕງ, ສຍ ເມືອງລະມາມ, ສຍ ເມືອງດາກຈຶງ ແລະ ຂະແໜງການອ້ອມຂ້າງເຂົ້າຮ່ວມ.
ຈຸດປະສົງເພື່ອຍົກລະດັບຄວາມຮູ້ຄວາມສາມາດໃນການເປັນຄູຝຶກ ແລະ ສ້າງຄວາມເຂັ້ມແຂງໃຫ້ແມ່ຍິງແຂວງ, ເມືອງ ແລະ ບ້ານ ເພື່ອນຳເອົາໄປເຜີຍແຜ່ໃຫ້ຊຸມຊົນໃນຂັ້ນຕໍ່ໄປ.
