ຕອນບ່າຍ ວັນທີ 08 ມິຖຸນາ 2022, ພາຍຫຼັງສຳເລັດກອງປະຊຸມ ຊຸກຍູ້ຕິດຕາມວຽກງານພັດທະນາແມ່ຍິງ ແລະ ການຈັດຕັ້ງປະຕິບັດວາລະແຫ່ງຊາດຂອງສະຫະພັນແມ່ຍິງລາວ, ທ່ານນາງ ສີລິກິດ ບຸບຜາ ຮອງປະທານຄະນະບໍລິຫານງານສູນກາງສະຫະພັນແມ່ຍິງລາວ ໄດ້ມອບ USB ສຳເນົາກົດໝາຍ ຈຳນວນ 18 ຊຸດ, ເຄື່ອງວັດແທກອຸນຫະພູມ ຈຳນວນ 02 ຊຸດ, ປື້ມ 3 ດີ ຈຳນວນ 100 ຫົວໃຫ້ ສຍ ແຂວງ ໄຊຍະບູລີ ເພື່ອແຈກຢາຍໃຫ້ ສຍແຂວງ, ສຍ ເມືອງ ເພື່ອນໍາໃຊ້ເຂົ້າໃນວຽກງານ ຮັບໂດຍ ທ່ານນາງຄຳຜິວ ພັນທະວົງ ປະທານສະຫະພັນແມ່ຍິງແຂວງໄຊຍະບູລີ ພ້ອມຄະນະ. ຫຼັງຈາກນັ້ນຄະນະດັ່ງກ່າວໄດ້ໄປຢ້ຽມຊົມຫ້ອງສະສົມເຄື່ອງຫັດຖະກຳບັນດາເຜົ່າ ເພື່ອເປັນພື້ນຖານໃນການສ້າງຫ້ອງມູນເຊື້ອຂອງສະຫະພັນແມ່ຍິງແຂວງໄຊຍະບູລີ.
