ປະທານສູນກາງສະຫະພັນແມ່ຍິງລາວ ພ້ອມຄະນະເຄື່ອນໄຫວວຽກງານ ຢູ່ເມືອງໄຊບູລີ

Jun 2, 2023 | ຂ່າວສານ ແລະ ກິດຈະກຳ

ໃນຕອນເຊົ້າວັນທີ 31 ພຶດສະພາ 2023 ທ່ານ ນ. ອິນລາວັນ ແກ້ວບຸນພັນ ປະທານຄະນະບໍລິຫານງານສູນກາງສະຫະພັນແມ່ຍິງລາວ ພ້ອມຄະນະ ໄດ້ລົງເຄື່ອນໄຫວວຽກງານ ຢູ່ບ້ານນາແດງ ເມືອງໄຊບູລີ ແຂວງສະຫວັນນະເຂດ ເພື່ອປຸກລະດົມ, ໂຄສະນາ, ຊຸກຍູ້ໃຫ້ປະຊາຊົນໄດ້ຮັບການສັກວັກຊິນປ້ອງກັນພະຍາດ ໂຄວິດ-19 ທີ່ໄດ້ຮັບການສະໜັບສະໜູນຈາກອົງການ UNICEF ຊຶ່ງໃນການລົງມາຄັ້ງນີ້ແມ່ນເພື່ອແນະນຳວິທີປ້ອງກັນຕົນເອງ, ສະມາຊິກພາຍໃນຄອບຄົວ ແລະ ຄົນອ້ອມຂ້າງທີ່ມີຄວາມສ່ຽງ, ຫຼີກເວັ້ນການຕິດເຊື້ອ ແລະ ແພ່ເຊື້ອຈາກພະຍາດດັ່ງກ່າວ, ເຂົ້າຮ່ວມໂດຍທ່ານ ນ. ວຽງສະໝອນ ພະພິທັກ ປະທານ ສຍແຂວງ, ປະທານ ສຍ ເມືອງ ພ້ອມດ້ວຍນັກຮຽນ ແລະ ປະຊາຊົນພາຍໃນບ້ານເຂົ້າຮ່ວມຢ່າງພ້ອມພຽງ.
ພາຍໃນກິດຈະກຳດັ່ງກ່າວຍັງໄດ້ສາທິດວິທີການລ້າງມືດ້ວຍສະບູ ແລະ ແຈກອາຫານໂພຊະນາການເນື່ອງໃນໂອກາດວັນເດັກນ້ອຍສາກົນທີ່ຈະມາເຖິງນີ້.