ປະທານຄະນະບໍລິຫານງານ ສສຍລ ພ້ອມດ້ວຍຄະນະ ແລະ ຄະນະປະທານສະຫະພັນແມ່ຍິງແຂວງ ຈຳປາສັກ ໄດ້ເຂົ້າພົບທ່ານ ທ່ານ ວິໄລວົງ ບຸດດາຄຳ ກຳມະການສູນກາງພັກ ເລຂາພັກແຂວງ ເຈົ້າແຂວງຈຳປາສັກ

ເນື່ອງໃນໂອກາດເຄື່ອນໄຫວວຽກງານຊຸກຍູ້, ຕິດຕາມວຽກງານສ້າງພະນັກງານນໍາພາ-ຄຸ້ມຄອງເພດຍິງ, ວາລະແຫ່ງຊາດ ແລະ ປະເມີນ, ທາບທາມກົດໝາຍ ຢູ່ແຂວງ ຈຳປາສັກ. ຕອນເຊົ້າວັນທີ 24 ເມສາ 2023 ທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ ພ້ອມດ້ວຍຄະນະ ແລະ ຄະນະປະທານສະຫະພັນແມ່ຍິງແຂວງ ຈຳປາສັກ ໄດ້ເຂົ້າພົບທ່ານ ທ່ານ ວິໄລວົງ ບຸດດາຄຳ ກຳມະການສູນກາງພັກ ເລຂາພັກແຂວງ ເຈົ້າແຂວງຈຳປາສັກ ເພື່ອລາຍງານຈຸດປະສົງການມາເຄື່ອນໄຫວວຽກງານຢູ່ແຂວງຈຳປາສັກໃນຄັ້ງນີ້. ໂອກາດນີ້, ທ່ານປະທານຄະນະບໍລິການງານ ສສຍລ ໄດ້ມອບໂທລະໂຄ່ງ 6 ຊຸດ ແລະ ລຳໂພງ 6 ໜ່ວຍ ລວມມູນຄ່າ 51.900.000 ກີບ ຊຶ່ງໄດ້ຮັບການສະໜັບສະໜູນຈາກໂຄງການກອງທຶນໂລກ ຜ່ານສູນກາງສະຫະພັນແມ່ຍິງລາວ ເພື່ອໝູນໃຊ້ເຂົ້າໃນການລົງໂຄສະນາເຜີຍແຜ່ຂໍ້ມູນຂ່າວສານເພື່ອປ້ອງກັນການແຜ່ລະບາດຂອງພະຍາດໂຄວິດ 19 ແລະ ວຽກງານອື່ນໆ ພາຍໃນແຂວງຕື່ມອີກ.