ປະທານຄະນະບໍລິຫານງານ ສສຍລ ພ້ອມຄະນະ ຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານ ບາກທິຢໍ ຄາດິເຣິບ

ຕອນບ່າຍວັນທີ 23 ພະຈິກ 2023, ທ່ານ ນາງ ອາລີ ວົງໜໍ່ບຸນທໍາ ປະທານຄະນະບໍລິຫານງານ ສສຍລ ພ້ອມຄະນະ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານ ບາກທິຢໍ ຄາດິເຣິບ ຜູ້ຕາງໜ້າອົງການສະຫະປະຊາຊາດກອງທຶນສໍາລັບປະຊາກອນ (UNFPA) ປະຈໍາ ສປປ ລາວ ພ້ອມຄະນະ. ໂອກາດນີ້, ທ່ານຜູ້ຕາງໜ້າອົງການ UNFPA ໄດ້ລາຍງານການພົວພັນຮ່ວມມືລະຫວ່າງ ສສຍລ ແລະ ອົງການ UNFPA ຜ່ານມາ, ແລກປ່ຽນທັດສະນະກ່ຽວກັບ ການສ້າງຄວາມເຂັ້ມແຂງໃຫ້ແກ່ແມ່ຍິງ ໂດຍສະເພາະວຽກງານຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ. ໂອກາດນີ້ ທັງສອງຝ່າຍຍັງໄດ້ປຶກສາຫາລືຮ່ວມກັນ ໃນການສືບຕໍ່ຈັດຕັ້ງປະຕິບັດບັນດາກິດຈະກຳ ໂຄງການທີ່ໄດ້ຮ່ວມມືກັນ ເພື່ອໃຫ້ສໍາເລັດຕາມຄາດໝາຍທີ່ວາງໄວ້.