ຕອນຄໍ່າວັນທີ 9 ພະຈິກ 2023, ທ່ານ ນາງ ອາລີ ວົງໜໍ່ບຸນທໍາ ປະທານຄະນະບໍລິຫານງານ ສສຍລ ໄດ້ເຂົ້າຮ່ວມງານວັນແຫ່ງການທ້ອນໂຮມປະເທດເຢຍລະມັນ. ໂອກາດນີ້ ທ່ານປະທານຄະນະບໍລິຫານງານ ສສຍລ ໄດ້ຂຽນສະແດງຄວາມຊົມເຊີຍ ບາງຕອນວ່າ “ຂ້າພະເຈົ້າມີຄວາມພາກພູມໃຈເປັນຢ່າງຍິ່ງທີ່ເຫັນວ່າ ສາຍພົວພັນມິດຕະພາບທີ່ມີມາແຕ່ດົນນານ ແລະ ການຮ່ວມມືທີ່ດີລະຫວ່າງ ທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ສະຫະພັນເຢຍລະມັນ ໄດ້ຮັບການເສີມຂະຫຍາຍຢ່າງບໍ່ຢຸດຢັ້ງ ແລະ ຂໍອວຍພອນໃຫ້ການພົວພັນຮ່ວມມືລະຫວ່າງສອງປະເທດ ກໍຄືການຮ່ວມມືຂອງອົງການຈັດຕັ້ງແມ່ຍິງສອງຊາດ ໄດ້ຮັບການສືບຕໍ່ຮັດແໜ້ນ ແລະ ແຕກດອກອອກຜົນຍິ່ງໆຂຶ້ນ”.
