ໂອກາດນີ້, ທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ ພ້ອມຄະນະ ໄດ້ເຂົ້າພົບ ສະຫາຍ ໂຣເບີໂຕ ໂມຣາເລດ (Roberto Morales) ກຳມະການກົມການເມືອງສູນກາງພັກ ເລຂາທິການສູນກາງພັກກອມມູນິດກູບາ ຊຶ່ງສະຫາຍເລຂາທິການສູນກາງພັກກອມມູນິດກູບາ ໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືລະຫວ່າງສອງພັກ, ສອງລັດ ແລະ ການມາຢ້ຽມຢາມ ຂອງຄະນະຜູ້ແທນສະຫະພັນແມ່ຍິງລາວໃນຄັ້ງນີ້ ພ້ອມທັງເນັ້ນໃຫ້ສະຫະພັນແມ່ຍິງທັງສອງປະເທດ ສືບຕໍ່ຮັດແໜ້ນສາຍພົວພັນມິດຕະພາບ ແລະ ການຮ່ວມມືລະຫວ່າງສອງອົງການໃຫ້ແໜ້ນແຟ້ນຍິ່ງໆຂຶ້ນ.
