ໃນໂອກາດເດີນທາງໄປເຂົ້າຮ່ວມພິທີເປີດການນຳໃຊ້ສູນໃຫ້ຄຳປຶກສາແລະປົກປ້ອງແມ່ຍິງ-ເດັກນ້ອຍຂອງສະຫະພັນແມ່ຍິງແຂວງອັດຕະປື, ໃນຕອນແລງຂອງວັນທີ 3 ພຶດສະພາ 2023 ທ່ານນາງ ອິນລາວັນ ແກ້ວບຸນພັນ ປະທານຄະນະບໍລິຫານງານ ສສຍລ ພ້ອມຄະນະທີ່ມາຈາກ ສສຍລ, ສຍ ແຂວງອັດຕະປື ແລະ ອົງການ UNFPA ປະຈຳ ສປປ ລາວ ກໍໄດ້ໄປຢ້ຽມຊົມກຸ່ມຫັດຖະກຳຕ່ຳແຜ່ນແພ ຜ້າກະໂດ ທີ່ບ້ານສີວິໄລ ເມືອງສາມັກຄີໄຊ ຊຶ່ງໄດ້ຖືກຮັບຮອງເປັນສິນຄ້າໜຶ່ງເມືອງໜຶ່ງຜະລິດຕະພັນແຫ່ງຊາດຂອງແຂວງອັດຕະປື ເປັນສີໄມ້ລາຍມື ທີ່ເປັນເອກະລັກຂອງແມ່ຍິງຊົນເຜົ່າຕຣຽງ ໂດຍການຕ່ຳຫູກແຂວນໃສ່ແອວ. ກິດຈະກຳດັ່ງກ່າວເກີດຈາກພູມປັນຍາຂອງບັນພະບູລຸດ ທີ່ສືບທອດກັນມາຫຼາຍຮຸ້ນຄົນ ຈົນກາຍເປັນທ່າແຮງໜຶ່ງຂອງແມ່ຍິງຊົນເຜົ່າຕຣຽງໃນການສ້າງລາຍຮັບມາສູ່ຄອບຄົວຂອງຕົນ.
ປະທານຄະນະບໍລິຫານງານ ສສຍລ ພ້ອມຄະນະທີ່ມາຈາກ ສສຍລ, ສຍ ແຂວງອັດຕະປື ແລະ ອົງການ UNFPA ປະຈຳ ສປປ ລາວ ກໍໄດ້ໄປຢ້ຽມຊົມກຸ່ມຫັດຖະກຳຕ່ຳແຜ່ນແພ ຜ້າກະໂດ
