ໂອກາດທີ່ລົງເຄື່ອນໄຫວວຽກງານຢູ່ແຂວງຈຳປາສັກ ແລະ ແຂວງອັດຕະປື, ທ່ານ ນາງ ອິນລາວັນ ແກ້ວບຸນພັນປະທານຄະນະບໍລິຫານງານ ສສຍລ ພ້ອມຄະນະກໍໄດ້ໄປຢ້ຽມຊົມສວນລັດສະດາ ຕັ້ງຢູ່ບ້ານຫຼັກ 11 ເມືອງປາກຊ່ອງ, ແຂວງຈຳປາສັກ ຊຶ່ງເປັນສວນປູກດອກໄມ້ນານາຊະນິດ ເປັນຕົ້ນ ດອກໄຮເດັນເຢຍ, ເບັນຈະມາດ, ລິນລີ່, ດອກຄາຍປ່າ… ເພື່ອສົ່ງອອກຈຳໜ່າຍຢູ່ປະເທດໃກ້ຄຽງ. ສວນດັ່ງກ່າວ ດຳເນີນໃນເນື້ອທີ່ສຳປະທານ 37ເຮັກຕາ ສະເພາະປູກດອກໄມ້ແມ່ນ 4-5 ເຮັກຕາ ຊຶ່ງເຮັດມາໄດ້ 5 ປີແລ້ວ. ກິດຈະກຳດັ່ງກ່າວໄດ້ກາຍເປັນແຫຼ່ງສ້າງລາຍຮັບມາສູ່ປະຊາຊົນ ໂດຍສະເພາະແມ່ຍິງໃນບ້ານຫຼັກ 11 ແລະ ເຂດບ້ານໃກ້ຄຽງອີກດ້ວຍ.
