ໂທລະສັບ 021 316253

ປະກອບຄຳເຫັນຕໍ່ 03 ຮ່າງບົດສະຫຼຸບ

Jul 18, 2023 | ຂ່າວສານ ແລະ ກິດຈະກຳ

ໃນວາລະກອງປະຊຸມຄົບຄະນະກາງສະໄໝ ຂອງຄະນະບໍລິຫານງານພັກສູນກາງສະຫະພັນແມ່ຍິງລາວ ສະໄໝທີ IV, ຄະນະບໍລິຫານງານພັກສູນກາງສະຫະພັນແມ່ຍິງລາວ, ສະຫາຍເລຂາໜ່ວຍພັກຮາກຖານ ທີ່ຂຶ້ນກັບອົງຄະນະສູນກາງສະຫະພັນແມ່ຍິງລາວ ໄດ້ປະກອບຄຳເຫັນຕໍ່ 03 ຮ່າງບົດສະຫຼຸບຄື: ບົດສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ IV ຂອງອົງຄະນະພັກສູນກາງສະຫະພັນແມ່ຍິງລາວກາງສະໄໝ ແລະ ທິດທາງທ້າຍສະໄໝ, ບົດສະຫຼຸບການຈັດຕັ້ງປະຕິບັດແຜນພັດທະນາແມ່ຍິງໃນໄລຍະກາງສະໄໝຜ່ານມາ ແລະ ທິດທາງຕໍ່ໜ້າ ແລະ ບົດສະຫຼຸບການຈັດຕັ້ງປະຕິບັດວາລະແຫ່ງຊາດ. ຈາກນັ້ນ ສະຫາຍ ນາງ ອິນລາວັນ ແກ້ວບຸນພັນ ກໍາມະການສູນກາງພັກ, ເລຂາຄະນະບໍລິຫານພັກສູນກາງສະຫະພັນແມ່ຍິງລາວ, ປະທານຄະນະບໍລິຫານງານສູນກາງສະຫະພັນແມ່ຍິງລາວ ໄດ້ສະຫຼຸບສັງລວມ ການປະກອບຄຳເຫັນ ໃສ່ 03 ຮ່າງບົດສະຫຼຸບດັ່ງກ່າວເພື່ອນຳໄປປັບປຸງທາງດ້ານເນື້ອໃນໃຫ້ຄົບຖ້ວນສົມບູນ.