ບໍລິສັດ ວິສາຫະກິດຫັດຖະກໍາປະດິດລາວຈໍາປາ ມອບເຄື່ອງໃຫ້ຫ້ອງການສະຫະພັນແມ່ຍິງກອງທັບ

ໃນຕອນບ່າຍຂອງວັນທີ 3 ພຶດສະພາ 2023 ບໍລິສັດ ວິສາຫະກິດ ຫັດຖະກໍາປະດິດລາວຈໍາປາ ໄດ້ນໍາເອົາຖົງປຶ້ມນັກຮຽນ ພາຍໃຕ້ “ໂຄງການຖົງປຶ້ມເພື່ອນ້ອງ” ຈໍານວນ 300 ໜ່ວຍ ມູນຄ່າ 22,500,000 ກີບ ມາມອບໃຫ້ຫ້ອງການສະຫະພັນແມ່ຍິງກອງທັບ ເພື່ອໄປມອບຕໍ່ໃຫ້ລູກຫຼານພະນັກງານ, ນາຍ ແລະ ພົນທະຫານ ທີ່ໄປປະຕິບັດໜ້າທີ່ຢູ່ເຂດຫ່າງໄກສອກຫຼີກ ທີ່ມີຄວາມຕ້ອງການອຸປະກອນໃນການສຶກສາ. ຕາງໜ້າບໍລິສັດ ວິສາຫະກິດ ຫັດຖະກໍາປະດິດລາວຈໍາປາ ມອບ ໂດຍທ່ານ ນາງ ລຸຈິລາ ພັນທະວົງ ແລະ ກ່າວຮັບໂດຍ ສະຫາຍ ພັນເອກ ນາງ ໄພວອນ ອິນທະບຸດ ຄະນະບໍລິຫານງານສູນກາງສະຫະພັນແມ່ຍິງລາວ ຫົວໜ້າຫ້ອງການສະຫະພັນແມ່ຍິງກອງທັບ ພ້ອມຄະນະ, ມີພະນັກງານຫ້ອງການສະຫະພັນແມ່ຍິງກອງທັບ, ພະແນກການ ເຂົ້າຮ່ວມ. ໂອກາດນີ້, ສະຫາຍ ພັນເອກ ນາງ ໄພວອນ ອິນທະບຸດ ຄະນະບໍລິຫານງານສູນກາງສະຫະພັນແມ່ຍິງລາວ ຫົວໜ້າຫ້ອງການສະຫະພັນແມ່ຍິງກອງທັບ ໄດ້ສະແດງຄວາມຮູ້ບຸນຄຸນ ພ້ອມທັງກ່າວຂອບໃຈ ແລະ ມອບໃບກຽດຕິຄຸນ ໃຫ້ບໍລິສັດ ວິສາຫະກິດ ຫັດຖະກໍາປະດິດລາວຈໍາປາ ເພື່ອເປັນການຍ້ອງຍໍຊົມເຊີຍ ທີ່ໄດ້ປະກອບສ່ວນມອບເຄື່ອງໃນຄັ້ງນີ້; ພ້ອມທັງໃຫ້ຄໍາໝັ້ນວ່າຈະນໍາເອົາເຄື່ອງນີ້ໄປມອບໃຫ້ເຖິງມືຜູ້ຮັບ ເພື່ອນໍາໄປໃຊ້ໃຫ້ເກີດປະໂຫຍດສູງສຸດຕາມເປົ້າໝາຍ.

(ພາບ+ຂ່າວ ຈາກ ຂັນເພັດ: ຫ້ອງການສະຫະພັນແມ່ຍິງກອງທັບ)