ວັນທີ 10 ມິຖຸນາ 2022, ທ່ານ ນ. ສິລິກິດ ບຸບຜາ ຮອງປະທານຄະນະບໍລິຫານງານ ສສຍລ ໄດ້ເຂົ້າຮ່ວມເປັນປະທານ ເປີດກອງປະຊຸມຊຸກຍູ້ຕິດຕາມວຽກງານພັດທະນາແມ່ຍິງ ແລະ ການຈັດຕັ້ງປະຕິບັດວາລະແຫ່ງຊາດ ຂອງສະຫະພັນແມ່ຍິງລາວ ຢູ່ແຂວງວຽງຈັນ; ມີຄະນະບໍລິຫານງານສະຫະພັນແມ່ຍິງແຂວງ, ສະຫະພັນແມ່ຍິງເມືອງ, ຫົວໜ້າໜ່ວຍ ສະຫະພັນແມ່ຍິງພະແນກການອ້ອມຂ້າງແຂວງ, ຫົວໜ້າຂະແໜງ, ຮອງຂະແໜງ ແລະ ສະຫະພັນແມ່ຍິງແຂວງ ເຂົ້າຮ່ວມຢ່າງພ້ອມພຽງ. ໃນກອງປະຊຸມ ທ່ານ ນ. ສົມພອນ ສຸດທຳມະວົງ ຮອງປະທານຄະນະບໍລິຫານງານ ສຍ ແຂວງ ໄດ້ລາຍງານໂດຍຫຍໍ້ສະພາບລວມການເຄື່ອນໄຫວວຽກງານຂອງສະຫະພັນແມ່ຍິງແຂວງ. ຈາກນັ້ນ, ຕາງໜ້າຈາກກົມໂຄສະນາອົບຮົມ ແລະ ວັດທະນະທຳ, ກົມຂ່າວສານແມ່ຍິງລາວ ແລະ ສູນອົບຮົມແມ່ຍິງລາວ ສູນກາງສະຫະພັນແມ່ຍິງລາວ ໄດ້ຂຶ້ນນຳສະເໜີພາລະບົດບາດ ແລະ ບາງວຽກງານປິ່ນອ້ອມຂອງກົງຈັກຊ່ວຍວຽກ ຂອງ ສສຍລ ຕິດພັນກັບການຈັດຕັ້ງປະຕິບັດວາລະແຫ່ງຊາດ. ໂອກາດດຽວກັນນີ້ ທ່ານ ນ.ສິລິກິດ ບຸບຜາ ພ້ອມດ້ວຍຄະນະ ໄດ້ຕາງໜ້າໃຫ້ສູນກາງສະຫະພັນແມ່ຍິງລາວ ມອບເຄື່ອງວັດແທກອຸນຫະພູມ ຈຳນວນ 04 ເຄື່ອງ (ເຄື່ອງນ້ອຍ 02 ເຄື່ອງ, ເຄື່ອງໃຫຍ່ 02 ເຄື່ອງ) ໃຫ້ ສຍ ແຂວງຕື່ມອີກ.
ທ່ານ ນ. ສິລິກິດ ບຸບຜາ ຮອງປະທານຄະນະບໍລິຫານງານ ສສຍລ ໄດ້ເຂົ້າຮ່ວມເປັນປະທານ
