ທ່ານ ນ. ລາວັນ ສຸດທິສານ ຮອງປະທານຄະນະບໍລິຫານງານ ສສຍລ ພ້ອມດ້ວຍຄະນະ ແລະ ປະທານສະຫະພັນແມ່ຍິງແຂວງບໍ່ແກ້ວ ພ້ອມຄະນະ ໄດ້ເຂົ້າພົບ ທ່ານ ປອ ບົວຄົງ ນາມມະວົງ ກຳມະການສູນກາງພັກ, ເລຂາພັກແຂວງ ເຈົ້າແຂວງໆບໍ່ແກ້ວ

ເນື່ອງໃນໂອກາດມາເຄື່ອນໄຫວວຽກງານຊຸກຍູ້, ຕິດຕາມວຽກງານສ້າງພະນັກງານນຳພາ-ຄຸ້ມຄອງເພດຍິງ, ວາລະແຫ່ງຊາດ ແລະ ປະເມີນ, ທາບທາມກົດໝາຍທີ່ຢູ່ໃນຄວາມຮັບຜິດຊອບຂອງສະຫະພັນແມ່ຍິງລາວ ຢູ່ແຂວງ ບໍ່ແກ້ວ. ໃນຕອນເຊົ້າວັນທີ 26 ເມສາ 2023, ທ່ານ ນ. ລາວັນ ສຸດທິສານ ຮອງປະທານຄະນະບໍລິຫານງານ ສສຍລ ພ້ອມດ້ວຍຄະນະ ແລະ ປະທານສະຫະພັນແມ່ຍິງແຂວງບໍ່ແກ້ວ ພ້ອມຄະນະ ໄດ້ເຂົ້າພົບ ທ່ານ ປອ ບົວຄົງ ນາມມະວົງ ກຳມະການສູນກາງພັກ, ເລຂາພັກແຂວງ ເຈົ້າແຂວງໆບໍ່ແກ້ວ ເພື່ອລາຍງານຈຸດປະສົງທີ່ມາເຄື່ອນໄຫວວຽກງານຢູ່ ແຂວງ ບໍ່ແກ້ວ ໃນຄັ້ງນີ້.