ຕອນບ່າຍວັນທີ 09 ຕຸລາ 2023 ທ່ານ ນາງ ອິນລາວັນ ແກ້ວບຸນພັນ ປະທານຄະນະບໍລິຫານງານ ສສຍລ ພ້ອມຄະນະ ໄດ້ຕ້ອນຮັບການເຂົ້າພົບປະຂອງ ທ່ານ ໂອຼຮັນ ອືເຊີກ (Orhan IŞIK) ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງສາທາລະນະລັດຕວັກກີ ປະຈໍາ ສປປ ລາວ ພ້ອມຄະນະຜູ້ແທນຈາກອົງການຮ່ວມມື ແລະ ປະສານງານຂອງຕວັກກີ (TIKA) ເນື່ອງໃນໂອກາດມາເຄື່ອນໄຫວວຽກງານຢູ່ ສປປ ລາວ. ໂອກາດນີ້ ທ່ານປະທານ ສສຍລ ໄດ້ແຈ້ງໃຫ້ຮູ້ເຖິງທີ່ຕັ້ງ, ພາລະບົດບາດ, ໜ້າທີ່, ແຜນງານໂຄງການ ຂອງ ສສຍລ ແລະ ທັງສອງຝ່າຍໄດ້ປຶກສາຫາລືແຜນກິດຈະກຳໂຄງການຮ່ວມມືກັນໃນຕໍ່ໜ້າ ໂດຍສະເພາະວຽກງານສົ່ງເສີມແມ່ຍິງເຂົ້າເຖິງທຸລະກິດຂະໜາດນ້ອຍ, ການສ້າງວຽກເຮັດງານທໍາໃຫ້ເອື້ອຍນ້ອງແມ່ຍິງ, ການສົ່ງເສີມການຜະລິດຫັດຖະກໍາ ເປັນຕົ້ນ ການຕໍ່າຫູກທໍໄໝ, ການຍ້ອມສີທໍາມະຊາດ, ການປູກມອນລ້ຽງມ້ອນ ແລະ ອື່ນໆ.
