ທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ ພ້ອມດ້ວຍຄະນະ ໄດ້ເດີນທາງໄປເຄື່ອນໄຫວວຽກງານຢູ່ແຂວງເຊກອງ.

ພາຍຫຼັງສໍາເລັດການເຄື່ອນໄຫວວຽກງານຢູ່ແຂວງອັດຕະປື, ທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານ ສສຍລ ພ້ອມດ້ວຍຄະນະ ໄດ້ເດີນທາງໄປເຄື່ອນໄຫວວຽກງານຢູ່ແຂວງເຊກອງ. ໂອກາດນີ້ ທ່ານປະທານ ສສຍລ ພ້ອມຄະນະ ແລະ ຄະນະປະທານສະຫະພັນແມ່ຍິງແຂວງເຊກອງ ໄດ້ເຂົ້າພົບທ່ານນາງ ຈັນຫອມ ມະຫາໄຊ ຮອງເລຂາພັກແຂວງເຊກອງ ເພື່ອສະເໜີຈຸດສົງການມາເຄື່ອນໄຫວໃນຄັ້ງນີ້. ພ້ອມດຽວກັນນີ້, ທ່ານປະທານຄະນະບໍລິການງານ ສສຍລ ໄດ້ມອບໂທລະໂຄ່ງ 6 ຊຸດ ແລະ ລຳໂພງ 6 ໜ່ວຍ ລວມມູນຄ່າ 51.900.000 ກີບ ຊຶ່ງໄດ້ຮັບການສະໜັບສະໜູນຈາກໂຄງການກອງທຶນໂລກ ຜ່ານສູນກາງສະຫະພັນແມ່ຍິງລາວ ເພື່ອໝູນໃຊ້ເຂົ້າໃນການລົງໂຄສະນາເຜີຍແຜ່ຂໍ້ມູນຂ່າວສານເພື່ອປ້ອງກັນການແຜ່ລະບາດຂອງພະຍາດໂຄວິດ 19 ແລະ ວຽກງານອື່ນໆ ພາຍໃນແຂວງ. ຫຼັງຈາກນັ້ນທ່ານປະທານ ສສຍລ ພ້ອມຄະນະ ໄດ້ໄປຢຽມຢາມສູນວິຊາຊີບແມ່ຍິງບັນດາເຜົ່າ ສະຫະພັນແມ່ຍິງແຂວງເຊກອງຕື່ມອີກ.