ໂທລະສັບ 021 316253

ທ່ານ ນາງ ອາລີ ວົງໜໍ່ບຸນທຳ ປະທານຄະນະບໍລິຫານງານ ສສຍລ ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ນາງ Annette KNOBLOCH

Nov 6, 2023 | ຂ່າວສານ ແລະ ກິດຈະກຳ

ວັນທີ 30 ຕຸລາ 2023 ທ່ານ ນາງ ອາລີ ວົງໜໍ່ບຸນທຳ ປະທານຄະນະບໍລິຫານງານ ສສຍລ ພ້ອມດ້ວຍຄະນະ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ນາງ Annette KNOBLOCH ເອກອັກຄະລັດຖະທູດວິສາມັນ ຜູ້ມີອໍານາດເຕັມ ແຫ່ງສາທາລະນະລັດສະຫະພັນເຢຍລະມັນ ປະຈຳ ສປປ ລາວ. ໂອກາດດັ່ງກ່າວນີ້ ທ່ານ ປະທານ ສສຍລ ໄດ້ກ່າວສະແດງຄວາມຍິນດີຕ້ອນຮັບຕໍ່ການມາຢ້ຽມຢາມ ພ້ອມທັງແຈ້ງໃຫ້ຮູ້ເຖິງພາລະບົດບາດ, ໜ້າທີ່ ຂອງ ສສຍລ ລວມເຖິງການພົວພັນທີ່ສະໜິດແໜ້ນຂອງສອງປະເທດ ລາວ ແລະ ສາທາລະນະລັດສະຫະພັນເຢຍລະມັນ, ລວມທັງການຊ່ວຍເຫຼືອຂອງສາທາລະນະລັດສະຫະພັນເຢຍລະມັນໃນໄລຍະຜ່ານມາ. ໂອກາດນີ້ ທັງສອງຝ່າຍໄດ້ປຶກສາຫາລືແຜນການຮ່ວມມືກັນໃນຕໍ່ໜ້າ ເພື່ອສືບຕໍ່ເພີ່ມທະວີສາຍພົວພັນມິດຕະພາບຄວາມສາມັກຄີລະຫວ່າງສອງຊາດໃຫ້ນັບມື້ແໜ້ນແຟ້ນຍິ່ງໆຂຶ້ນ ໂດຍສະເພາະວຽກງານດ້ານການສົ່ງເສີມບົດບາດຍິງ-ຊາຍຂອງທັງສອງປະເທດ ໃນການເສີມຂະຫຍາຍຜົນສໍາເລັດ ແລະ ຈຸດດີ; ຖອດຖອນບົດຮຽນ ແລະ ຊອກຫາວິທີການແກ້ໄຂສິ່ງທ້າທາຍໃນການຈັດຕັ້ງປະຕິບັດວຽກງານດັ່ງກ່າວ; ບົດບາດຂອງແມ່ຍິງໃນຂົງເຂດເສດຖະກິດທີ່ນັບມື້ນັບມີຈຳນວນເພີ່ມຂຶ້ນ. ພ້ອມນີ້ທັງສອງຝ່າຍຍັງໄດ້ປຶກສາຫາລືກັນກ່ຽວກັບກິດຈະກຳທີ່ຈະເຮັດຮ່ວມກັນໃນອະນາຄົດຕື່ມອີກ.