ທ່ານຮອງປະທານຄະນະ​ບໍລິຫານງານ ສ​ສຍ​ລ ພ້ອມ​ດ້ວຍ​ຄະ​ນະເຂົ້າຮ່ວມກອງປະຊຸມເປີດຕົວໂຄງການ “ການເຊື່ອມສານບົດບາດຍິງ-ຊາຍ

Jul 4, 2023 | ຂ່າວສານ ແລະ ກິດຈະກຳ

ວັນທີ​ 22​ ມິຖຸນາ​ 2023,​ ທ່ານ​ ນາງ​ ລາວັນ​ ສຸດທິສານ​ ຮອງປະທານຄະນະ​ບໍລິຫານງານ​ ສູນກາງສະຫະພັນແມ່ຍິງລາວ​ ພ້ອມດ້ວຍຫົວໜ້າກົມພັດທະນາແມ່ຍິງລາວ,​ ຮອງຫົວໜ້າຫ້ອງການ​ ສສຍລ,​ ຕາງໜ້າຈາກ​ ສຍ​ ກະຊວງ​ຊັບພະຍາກອນ​ທຳມະຊາດ​ ແລະ​ ສິ່ງ​ແວດລ້ອມ,​ ສຍ​ ນະຄອນຫຼວງ​ວຽງຈັນ ແລະ​ ພະນັກງານທີ່ກ່ຽວຂ້ອງ ເຂົ້າຮ່ວມກອງປະຊຸມເປີດຕົວໂຄງການ “ການເຊື່ອມສານບົດບາດຍິງ-ຊາຍ ເຂົ້າໃນການປະຕິບັດວຽກງານດິນຟ້າອາກາດ: ສ້າງຄວາມເຂັ້ມແຂງໃນການປັບຕົວ ແລະ ຄວາມຢືດຢຸ່ນ ໃຫ້ແມ່ຍິງທຸກຍາກໃນຊົນນະບົດ ໂດຍຜ່ານການປັບປຸງຊີວິດການເປັນຢູ່ ແລະ ປັບປຸງການເຂົ້າເຖິງ ນໍ້າດື່ມສະອາດ ແລະ ສຸຂະອະນາໄມ (ຜ່ານລະບົບອອນລາຍ); ກອງປະຊຸມດັ່ງກ່າວຈັດຂຶ້ນທີ່ປະເທດກຳປູເຈຍ. ໂອກາດນີ້ ທ່ານ​ ປອ ນາງ ນິນປະເສີດ ໄຊຍະພອນສີ ຫົວໜ້າ​ກົມພັດທະນາແມ່ຍິງລາວ ໄດ້ນຳສະເໜີບົດບາດຍິງຊາຍໃນວຽກງານການປ່ຽນແປງດິນຟ້າອາກາດ​ ຢູ່ໃນ​ ສປປລາວ​ ຕື່ມອີກ.