ໂທລະສັບ 021 316253

ທ່ານປະທານຄະນະບໍລິຫານງານ ສສຍລ ຕ້ອນຮັບການເຂົ້າຢ້ຽມຂ່ຳນັບ​ຂອງທ່ານເອກອັກຄະລັດຖະທູດ

Jul 11, 2023 | ຂ່າວສານ ແລະ ກິດຈະກຳ

ວັນທີ 7 ກໍລະກົດ 2023 ທ່ານ ນ. ອິນລາວັນ ແກ້ວບຸນພັນ ປະທານຄະນະບໍລິຫານງານ ສສຍລ ພ້ອມດ້ວຍຄະນະ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ປີເຕີ ເຮມອນ (Mr. Peter Haymond) ເອກອັກຄະລັດຖະທູດ ຜູ້ມີອຳນາດເຕັມແຫ່ງສະຫະລັດອາເມລິກາ ປະຈຳ ສປປ ລາວ ເນື່ອງໃນໂອກາດອຳລາຕຳແໜ່ງ; ໂອກາດນີ້ ທ່ານປະທານ ສສຍລ ໄດ້ຍ້ອງຍໍຊົມເຊີຍຕໍ່ຜົນງານທີ່ຕະຫຼອດໄລຍະການປະຕິບັດໜ້າທີ່ຂອງທ່ານໃນ ສປປ ລາວ, ເຊິ່ງຍາມໃດກໍໄດ້ພົວພັນປະສານງານຊ່ວຍເຫຼືອ ສປປ ລາວ ຕະຫຼອດມາ; ເວົ້າລວມ ເວົ້າສະເພາະ ສສຍລ ກໍໄດ້ເຂົ້າຮ່ວມບາງກິດຈະກຳໂຄງການ ແລະ ໄດ້ຮັບຜົນສຳເລັດເປັນກ້າວໆ; ພ້ອມດຽວກັນນີ້ທ່ານເອກອັກຄະລັດຖະທູດ ຜູ້ມີອຳນາດເຕັມແຫ່ງສະຫະລັດອາເມລິກາ ປະຈຳ ສປປ ລາວ ກໍໄດ້ກ່າວຂອບໃຈຕໍ່ການຕ້ອນຮັບອັນອົບອຸ່ນ ແລະ ສະໜິດແໜ້ນ; ເຮັດໃຫ້ການເຂົ້າພົບຄັ້ງນີ້ເຕັມໄປດ້ວຍຄວາມໝາຍຄວາມສຳຄັນດ້ວຍໄມຕີຈິດມິດຕະພາບ.